Zumaiako udal baratzeak erabiltzeko baimena lortu dutenen behin behineko zerrenda argitaratu da
Interesdunek erreklamazioak aurkeztu ahal izango dituzte martxoaren 13ra arte (hau barne). Epe hori amaituta, eta jasotako erreklamazioak ebatzita, onartu eta baztertuen behin betiko zerrendaren ebazpena argitaratuko da.
Keretxudi Baratze Parkeak 48 baratze ditu eta bakoitzak 4 m2-ko gutxi gorabeherako azalera du. Parkearen gainontzeko azalera erabilpena komunitarioa du (zerbitzuen eraikina, bideak, ureztatzeko putzuak, konposta egiteko guneak…). Lau urte eta gero, Zumaiako Udalak Keretxuri baratze-parkeko partzela guztiak berriro esleitu ditu. Behin behineko ebazpena argitaratu da dagoeneko, eta martxoaren 13ra arte (hau barne) erreklamazioak aurkeztu ahal izango dira.
> ONARTURAKOEN ETA BAZTERTUTAKOEN ZERRENDA (BEHIN BEHINEKOA)
Baratzak erabiltzeko lizentziak prekarioan emango dira, eta lursailaren aprobetxamendua eta/edo erabilera urtebeteko epearekin emango da; epe hori gehienez 4 urte arte luzatu daiteke. Erabiltzaile bakoitzak 10,15 euroko tasa ordaindu beharko du hilabetero, eta 101,50 euroko fidantza jarri beharko du (udal-eremu publikoaren erabilera zuzena bermatzeko ezartzen da fidantza, eta lagatzeko epea agortzen denean itzuliko da). Interes taldekoak edozein ordainketa egitetik eta fidantza aurkezteko egin beharrez salbuetsita egongo dira.
Baratze gune honi helburu eta izaera soziala emateko asmoz, 48 baratzetatik %60a interes taldeentzat gordetzen du Udalak. Interes talde berezitzat jotzen dira ezaugarri bereziak dituzten kolektiboak, hala, nola, langabetuak, DBE hartzaileak, desgaitasunen bat dutenak edota guraso bakarreko bizikidetza unitateak. Gainerako partzelak herritarren artean zozkatuko dira, errentaren arabera.
Nekazaritza jarduera sustatzeaz gain, ingurumena, ekologia, autokontsumoa edo elikadura osasuntsuaren inguruko heziketa eta sentsibilizazioa garatzeko gunea da baratze-parkea. Norberaren barazkiak autokontsumorako eta era ekologikoan egiteko aukera eskaintzen du, eta kalitatezko aisialdi aktiborako topagune ere bada. Gainera, hilabetero Furgobaratzaren bisita izaten da bertan, baratzearekin lotutako formakuntza praktikoa eskaintzeko.
Albiste erlazionatuak
Tokiko garapena
- Baratzeak erabiltzeko esleipendunen behin-behineko zerrenda eta itxarote zerrenda argitaratu dira 2023/03/28
- Herrialde Katalanetatik Zumaiara bisita, 'ekosistema kooperatiboa sortzeko hasita bidea' ezagutzeko 2023/03/20
- Baratzeak erabiltzeko onartutakoen behin betiko zerrenda argitaratu da 2023/03/17
- Lau urterako lankidetza hitzarmena sinatu dute Urolako Komunikazio Taldeak eta Zumaiako Udalak 2023/03/17
Elikadura
Parte hartzea
Zumaia bizitzeko da
- Osasun arreta euskaraz eskatzeko deia zumaiarrei 2023/03/31
- Datozen urteei begirako etxebizitza babestuen promozioak adostu dituzte Zumaiako Udalak eta Eusko Jaurlaritzak 2023/03/29
- Baratzeak erabiltzeko esleipendunen behin-behineko zerrenda eta itxarote zerrenda argitaratu dira 2023/03/28
- Martxan dago Udal Etxebizitza Bulegoa 2023/03/27