Alde Zaharreko trafikoan aldaketak izango dira datorren asteartean (ekainak 20), Komentuko obrak direla-eta
Teilatu zaharra desmuntatzen aritu dira azken egunotan, eta datorren asteartetik aurrera, teilatu berria eraikitzeko beharrezko materiala sartuko dute ekainaren 20an (asteartea). Egun horretan, 07:30-20:30 bitartean, Bonifazio Etxegarai kalea eta San Jose kalearen zati bat itxita egongo dira oinezkoentzat zein trafikoarentzat.
2022ko azaroa erdialdean hasi ziren Mojaxarren Komentua eraberritzeko lanak. Altzari eta objektu baliotsuak atera eta behar bezala gorde ondoren, San Jose kalearen eta lorategiaren arteko horma botatzea izan zen lehen pausoa. Handik sartu zuten obra osoan beharko den garabia, eta, orain, horma barruko lanetan murgilduta daude beharginak. Azken egunotan teilatu zaharra kentzeko lanetan aritu dira, eta datorren asteartean, teilatu berria eraikitzeko materiala sartuko dute barrura.
Hori horrela, ekainaren 20an (asteartea) itxita egongo dira Bonifazio Etxegarai kalea eta San Jose kalearen zati bat (1A-35W atarien arteko bidea, Ubillos zeharkatzen duena). Horregatik, honako aldaketak izango dira trafikoan:
EKAINAK 20 (ASTEARTEA) | 07:30-20:30 | Bonifazio Etxegarai kalea eta San Jose kalea (1A-35W atarien arteko bidea) itxita
-
Oinezkoak: etxeko atarietarako joan-etorriak bakarrik egin ahal izango dira
-
Ibilgailuak: errepidea erabat itxita egongo da. Ordezko bidea jarriko da: Angeles Sorazu kaleko aldapatik joan, Arritokieta kaletik igo, eta Odieta kaletik jaistea.
-
Erribera kalea 1 eta 1BIS atarietako bizilagunentzat oharra: arau orokor gisa, egun horretan ezin izango da ibilgailurik atera eremu horretatik (ez kanpoko aparkalekuetatik, ezta garajetik ere). Momentu puntualetan soilik irekiko da, obraren garapenaren arabera.
- Ubillos zeharkatzen duen bidea noranzko bakarrean erabili ahal izango da (mapan zehazten den moduan). Horrenbestez, Ubillosera ezingo da autoarekin sartu.
Hori horrela, Udalak gidari zein oinezkoei gogorarazten die kontuz ibiltzeko eta obretan ezarritako seinaleak eta abiadura-mugak errespetatzeko, guztien segurtasuna bermatzeko.
Albiste erlazionatuak
Trafikoa
- Sanpedroak direla-eta kontutan hartu beharrekoak: su artifizialak, aparkalekuak eta bestelakoak 2024/06/27
- Lurraldebusen autobusak ez dira Txomin Agirre kaian sartuko ostegunetik aurrera, uda sasoi guztian 2024/06/26
- Mugikortasunaren inguruko inkesta betetzeko azken egunak 2024/06/04
- Zumaia inguruko trafikoan aldaketak izango dira larunbatean, Zarauzko Triatloia dela-eta 2024/06/04
Hirigintza
- Txomin Agirre kaiko bidegorria konpontzeko lanak amaituta 2024/07/15
- Txomin Agirre kaiko bidegorria konponduko du Udalak aste honetan 2024/07/08
- Zumaiako Herri Eskolako Aita Mari eraikineko lehen solairua eraberritzeko lanak martxan 2024/06/05
- Erribera kaleko irisgarritasuna hobetzeko lanak martxan 2024/05/31
Komentua
- [BIDEOA] Komentua barrutik: 2023ko urritik 2024ko apirilera bitartekoak 2024/05/21
- Arritokieta kalea trafikoarentzat itxita egongo da hiru astez, Komentua eraberritzeko lanak direla-eta 2024/05/17
- Ohiko osoko bilkura egingo dute ostegun honetan 2024/03/19
- [BIDEOA] Teilatu berria du Mojaxarren Komentuak 2023/08/08