Ate ireki saioak egingo dituzte Gaztegunean uztailaren 6an eta 13an, 2010ean jaiotakoek zerbitzua ezagutzeko

2022/07/05

Urtero bezala, Gazteguneak ateak zabalduko dizkie hurrengo ikasturtean 12 urte beteko dituztenei (2010ean jaiotakoei), Gaztegunea eta bertako hezitzaileak ezagutu ditzaten. Bi egun horietarako ekintzak prestatu dituzte hezitzaileek.

Uztailaren 6an eta 13an (asteazkenak) egingo dituzte ate ireki saioak, 10:00etatik 14:00etara bitartean. Ate irekietan hezitzaileak eta espazioa ezagutzeko aukera izango dute nerabeek.

Egun bakoitzerako ekintza bana antolatu dute hezitzaileek, Gaztegunea eta bertako dinamika gertutik ezagutzeko.

  • Uztailak 6, asteazkena: TALAIPEN BAINUA
  • Uztailak 13, asteazkena: UR JOLASAK

Zalantzak izatekotan, hezitzaileekin harremanetan jartzera gonbidatu dituzte gazteak: 688612940 edo 633467312 telefono zenbakietara deitu edo idatzita.