Bizikleta eguna egingo da larunbat honetan

Goizeko 08:30etik hasita, egun osoko egitaraua izango da Eusebio Gurrutxagan larunbat honetan (ekainaren 3an), Bizikleta Egunaren barruan. Haur, gazte eta helduei zuzendutakoa izango da Bizikleta Eguna, eta helburuak dira mugikortasun jasangarria sustatu, jarduera fisiko osasuntsua bultzatu eta aisialdi modu berriak ezagutaraztea dira. Bizikleta irteerak, ginkana eta zozketak, eta bizikleta ikuskizuna izango dira, besteak beste. Gainera, partehartzaile guztien artean bi bizikleta zozkatuko dituzte.

Haur eta gaztetxoen bizikleta probetan parte hartzeko beharrezkoa izango da mendiko bizikleta eta kaskoa edukitzea. Parte hartzaile guztiei ogitartekoa banatuko zaie 12:00etan, eta 14:00etan paella izango da bazkaltzeko. Arratsaldean jarraituko du egitarauak, alebin eta infantil mailako txirrindularitza txapelketarekin, eta jolas eta ikuskizunekin.

Trafikoan aldaketak

Ekainaren 3an (larunbata), 16:00etatik 17:30era bitartean txirrindulari proba egongo da Zumaian. Proba dela eta aldaketak izango dira trafikoan, eta ondorengo kaleak trafikoarentzat itxita egongo dira aipatutako ordu tartean:

• Axular ibiltokia
• Bidabeazpia kalea
• Bonbillobekoa kalea
• Bidezarreta kalea
• Jadarre auzunea.

16:45etik 17:00etara bitartean trafikoa irekiko da bertako bizilagunen ibilgailuak sartu eta atera daitezen.

Egitaraua:

Albiste erlazionatuak