Egutera energia kooperatibaren aurkezpen saioa gaur arratsaldean izango da
Ekitaldia Aita Mari antzokian izango da, 18:30ean. Gaur arratsaldeko saioan proiektuaren nondik norakoak azalduko dituzte: hurrengo fase eta epeak, diru ekarpenen aurreikuspenak, eta proiektuak bazkideen fakturan izango duen eragina, besteak beste. Aurre izen-ematea orain egiten dutenek bazkide egiteko lehentasuna izango dute.
Lehen pauso gisa, hektarea bateko eguzki-panel planta bat sortuko du Egutera energia kooperatibak, Zumaiako 400-500 bazkide ingururen energia beharrak asetzeko. Zumaiako Udalak eta Ekiolak (Mondragon Taldeak eta Euskadiko Energia Erakundeak osatua) sustatutako proiektua da Egutera, eta dagoeneko herriko zenbait elkarte ditu bazkide laguntzaile moduan: Gertu merkatari elkartea, Zumaiako Herri Eskola eta Zumaiena ikastetxea.
Gaur arratsaldeko saioan proiektuaren nondik norakoak azalduko dituzte Elene Santamaria eta Hodei Arzak Ekiolako teknikariek: hurrengo fase eta epeak, diru ekarpenen aurreikuspenak, edota proiektuak bazkideen fakturan izango duen eragina, besteak beste. Ekitaldian ordezkari politikoek, Eguterako kideek eta Ekiolako teknikariek hartuko dute parte.
Eguteraren helburua da zumaiarrei herrian bertan beraien energia sortu eta kontsumitzeko aukera ematea, eta, horrekin batera, energia trantsizioaren bidean herri mailan pauso garrantzitsu bat ematea.
> Egutera: informazio gehiago
Albiste erlazionatuak
Energia
- [BIDEOA] Egin zaitez Egutera energia kooperatibako bazkide! 2024/03/16
- Eguteraren inguruko informazio saio irekia, astearte honetan Aita Mari zineman 2024/03/11
- Egutera energia kooperatiba: bazkide egiteko ordua iritsi da 2024/03/04
- Zerbitzu berria Elkarlan Gunean: energia-kontratuak ulertzeko aholkularitza, Piztu kooperatibaren eskutik 2024/01/11
Ingurumena
Zumaia bizitzeko da
- Sanpedroetako artisau azokan parte hartzeko deia zumaiarrei 2024/04/18
- Padel txapelketa mistoa jokatuko da Zumaian maiatzean eta ekainean zehar 2024/04/17
- Udal eraikinen garbitzaile bat aldi baterako kontratatzeko eta lan poltsa osatzeko prozesua hasi du Udalak, Lanbideren bitartez 2024/04/17
- 'Egin arraunean gurekin!' crowfunding kanpaina martxan, traineru berria erosteko 2024/04/12