Etxeetan xaflak jartzeko bigarren deialdia

2020/09/07
Iaz landutako mapa toponimikoan Udalak ahalegin berezia egin zuen etxeen izen zaharrak biltzeko, eta izen horietako batzuk ezagutarazteko altzairuzko 18 xafla edo errotulu egin zituen gero.

Herritar batzuek interesa agertu dute beren etxeetan horrelakoak jartzeko, eta Euskara Zerbitzuak beste deialdi bat egitea erabaki du, izen zaharren berri eman eta, baldin bizilagunak ados egonez gero, atarietan xafla berriak jartzeko. Horretarako, gutunak bidaliko dizkie laster herriguneko etxe batzuetako arduradunei, deialdiaren berri emateko. Argibide gehiago jasotzeko nahikoa da euskaratxanpan@zumaia.eus helbidera idaztea edo 943865025 (6 luz.) zenbakira deitzea.