Gazteei zuzendutako 'Porno vs. Afrodita' antzezlana eskainiko dute ostiral honetan Aita Marin
'Porno vs. Afrodita (edo I ♥#gorkaurbizu)' umorezko antzezlanean heziketa sexual eta afektiboa izango dute ardatz, zuzeneko musikaz lagunduta. Sarrerak aurrez erosi beharko dira, turismo bulegoan.
Benetan Be konpainiak ikusle gazte eta ez horren gazte, heldu eta oraindik heltzear daudenentzat sortu dute 'Porno vs Afrodita (edo I ♥#gorkaurbizu)'. "Hainbat zalantza, grin, ezintasun aseezintasun eta beste horrenbeste ergelkeri sexual eta afektiboez elkarrekin barre egiteko". Antzezlana ostiral honetan (otsailak 5) izango da, 19:00etan Aita Mari antzokian.
Sarrerak aurrez erosi behar dira (egunean bertan ez da takilan sarrerarik salduko. Sarrera arruntak 6 euro balio ditu, eta Gazte Txartela erakusten dutenek 4 euro ordaindu beharko dituzte.
Sinopsia:
Soinu-proba. Azken kontzertua Gaztetxean. Gaztetxea ixtera doa. Gazteak heldu zaizkigu eta ez dago inor lekukoa hartzeko prest. Taldearen azken kontzertua ere bada. Seme-alabek, lanek, nekeak, gain hartu dute. Soinu-proba aurrera doan heinean, taldekideen eta euren inguruko ume eta gazteen bultzada, galdera eta pasioen argazki musikala, zuzeneko bideoklipa, izango dugu zentzuen aurrean. Desioaren arrazionalizazioa, erabakitze-ezintasuna, harri orri ar, gorputza eta aurpegiaren gainerakusketa obszenoa, tabuak, fantasia, proiekzio eta ensoñazioak, generoa eta zenbakia. Rap, trap eta rocka. Gu eta eurak. Analogikoa eta digitala. Pornoa eta Afrodita. Askatasun sexuala ala neoliberalismo sexuala? Ase ezintasuna. Eta guztia zeharkatzen, blai egiten, Musika.
Izango da antzerkia, izango da musika, izango da barre-algara, mina, pasioa, haragia, odola. Izango da rock and rolla.
Albiste erlazionatuak
Gazteak
Zumaia bizitzeko da
- San Telmo ermita ezagutzeko bisita gidatuak izango dira datorren astetik aurrera, baita ingurumena babestu eta euskara sustatzeko ekimenak ere 2024/06/28
- Udal adierazpena, LGTBI+ Harrotasunaren Nazioarteko Egunean 2024/06/28
- 360.000 euroko dirulaguntza lortu du Udalak, Aita Mari eraikina eraberritzeko 2024/06/27
- Tentsio handiko etxebizitza eremu izendatzeko eskaera formala egin du Zumaiako Udalak 2024/06/19
Kultura
- Aita Mari antzokia itxita egongo da ekainaren 21etik uztailaren 9ra 2024/06/20
- Sanpedroak ate joka, aurtengoan, berrikuntzekin 2024/06/19
- Maiatzaren 13an zabalduko dute Musika eta Dantza Eskolako matrikulazioa 2024/05/10
- Udaberria bero iritsi da Zumaiara, adin guztietako herritarrentzako ekitaldi askorekin 2024/04/30