Gaztegune zerbitzua kontratatzeko oinarriak argitaratu ditu Udalak

2020/07/02

Gaztegune zerbitzua emateko proposamenak aurkezteko epea zabalik dago, uztailaren 16ra arte. Gaztegunea igandero zabaltzea ahalbideratuko du kontratazio berriak.

Gaur hasi eta uztailaren 16an bukatuko da Gazteguneko zerbitzua emateko proposamenak aurkezteko epea. Bi urteko iraupena izango du kontratuak, beste bi urtez luzatzeko aukerarekin, eta urteko kontratuaren aurrekontua 99.251,46 eurokoa (BEZ barne) izango da.

Deialdi berriarekin Gazteguneak igandero irekiko ditu ateak –orain artean hilabetean bi igandetan eskaintzen zen zerbitzua–.

Interesdunek Zumaiako Udalaren kontratatzailearen profilean aurkituko dute informazio guztia.

Gaztegune zerbitzua kontratatzeko oinarriak argitaratu ditu Udalak