Musi-K udalekuetan izena emateko bigarren deialdia zabalduko dute ostiral honetan

2022/06/16

Uztailaren 19tik 30era bitartean izango dira aurtengo musika udalekuak. HH4 eta LH6 maila arteko haurrei zuzendutako ekimena da, eta ekainaren 17tik 30era arte egongo da zabalik izen-ematea.

Musika udalekuak uztailaren 19tik 30era bitartean egingo dira aurtengoan, 09:30etik 13:00etara bitartean. HH4tik LH6ra bitarteko haurrei zuzendutako aisialdi eskaintza da honakoa, eta musika ikasten ari direnek zein ikasketa formalik jasotzen ez dutenek parte hartu ahal izango dute. Partaideek musikaren esparru desbedinak ezagutzeko aukera izango dute. Sapere Aude Sinfonietta musika elkarteak eta Zumaiako Udalak elkarlanean antolatzen dituzten udalekuak dira honakoak.

Bigarren izen-emate deialdia ekainaren 17tik 30era egongo da zabalik. Alondegian egin behar da izen-ematea, alondegia@zumaia.eus helbide elektronikoa idatzita edo 943 861 056 telefono zenbakira deituta. Matrikularen prezioa 85 eurokoa da (65 eurokoa familia ugarien kasuan).

> Eskuorria