Olarro Egunean lan egiteko herriko elkarteei deialdia
2023ko Olarro Eguna irailaren 23an izango da, eta txosnetan zein herri bazkarian lan egiteko herriko elkarteen laguntza beharko du Udalak beste urte batez. Izen-emate epea abuztuaren 31ra arte egongo da zabalik.
Datorren irailaren 23an Olarro Eguna izango da Zumaian. Ohikoa denez, gastronomiak garrantzi handia izango du, eta olagarroa zein itsasoko produktuak dastagai izango dira txosnetan, sukaldaritza erakustaldian nahiz herri bazkarian. Guzti honek lan handia eskatzen du, eta Udalak herriko elkarteei laguntza eskatzen die beste urte batez.
Parte hartzeko elkarteek hainbat baldintza bete beharko dituzte:
- Zumaiako herria edota bere biztanleen onurarako, kirol, kultur edo gizarte mailan, etekin ekonomiko propiorik gabe, modu iraunkorrean lan egiteko eratu diren elkarteek hartu dezakete parte deialdian.
- Elkarte horiek Udalak herriko taldeen artean dirulaguntzak emateko ordurako onartutako oinarri berak bete beharko dituzte (Gizarte Segurantzarekin eta Ogasunarekin zorrik ez dutela ziurtatu).
- Horrez gainera, euskaraz jarduteko gai izan beharko dute, eta batik bat edariak banatzeko orduan, ez dira adin txikikoak izango.
Honakoak dira egin beharreko lanak:
> Txosnetako lana: txosna bakoitzean talde bat
- OSTIRALEAN talde bakoitzetik 20 lagun (16 urtetik gorakoak) gutxienez, olagarroa moztu eta brotxetak egiteko.
- LARUNBATA: 09:00-23:00 Olagarro zopa prestatu beharko dute goizean banatzeko, eta arratsaldean txosnetan brotxetak banatuko dituzte. Taldeak azpiegitura muntatu beharko du. Edariak ere taldearen esku izango dira. Goizeko 9:00 tan hasi eta 23.00ak aldera arteko lana izango da, Olarro egun bertakoa (15-20 bat lagun).
Txosna guztietan ordutegia eta prezioak berdinak izango dira. Prezio herrikoiak eskaintzen dira.
> Herri bazkaria zerbitzatzea: talde batentzat lana
- Lan honetako ezaugarri nagusiena da 600 lagunei herri bazkaria zerbitzatzeko beharrezkoak diren azpiegiturak eta tresnak ezartzea, bazkaria atera, txartelak kendu eta karpara sarrerak zaintzea, eta baita ondorengo txukuntze eta jasotze lanak (35 bat lagun).
- Sukaldaritza erakustaldirako beharrezko azpiegitura prestatu eta jasotzea ere talde honen ardura izango da.
- Montatze-desmontatze lanen koordinazioa Udaletxearen eta herri bazkariko eta txosnetako kudeatzaileen artean egingo da.
Izen-ematea eta antolaketa bilera
Interesa duten elkarteek turismo bulegoan eman beharko da izena abuztuaren 31a (osteguna) baino lehen. Horretarako, 943 14 3396 telefono zenbakira deitu edo turismoa@zumaia.eus e-mailera idatzi beharko dute elkarteek.
Talde guztiak irailaren 1ean (ostirala) bilduko dira Alondegian, 18:30ean, eta orduan egingo da lan banaketaren zozketa. Eginbeharren inguruko xehetasun guztiak ere orduan azalduko dituzte.
Albiste erlazionatuak
Festak
- Sanpedroetako artisau azokan parte hartzeko deia zumaiarrei 2024/04/18
- Lurraldebus zerbitzua gehiago indartuko dute asteburu honetan, San Telmo jaiak direla-eta 2024/04/11
- Esku pilota jaialdi ikusgarria santelmoetan, igande honetan 2024/04/03
- Auzoetara eta inguruko herri txikietara itzultzeko doako taxi zerbitzua eskainiko du santelmoetan Zumaiako Udalak 2024/04/03
Kultura
- Kaleko pintura lehiaketak Zumaiako txokoak hartuko ditu maiatzaren 12an 2024/04/23
- Sanpedroetako artisau azokan parte hartzeko deia zumaiarrei 2024/04/18
- Hemen da Martxoaren 8a, berriro ere ekitaldiz eta aldarrikapenez beteta 2024/03/07
- Herriko jaietan ekitaldiak antolatzeko dirulaguntzak eskatzeko epea zabalik 2024/03/06
Olarro eguna
Parte hartzea
- Padel txapelketa mistoa jokatuko da Zumaian maiatzean eta ekainean zehar 2024/04/17
- 'Egin arraunean gurekin!' crowfunding kanpaina martxan, traineru berria erosteko 2024/04/12
- Santelmoetako egitaraua aurkeztu dute herriko elkarteek eta Udalak 2024/03/21
- [BIDEOA] Egin zaitez Egutera energia kooperatibako bazkide! 2024/03/16