Ekainaren 15etik irailaren 15era bitartean bertakoen gunean autoa uzteko ezinbestekoa izango da bertakoen txartela izatea. Errotazio altuko eta egonaldi ertaineko guneak 10:00etatik 20:00etara egongo dira indarrean, egunero. Autoa uzteko bi doako gune egongo dira (ikus mapa), eta kirol portutik herrigunera joateko txalupa zerbitzua egunero egongo da martxan.

Aldi honetan inguruko herritarrek Zumaian erosketak egitea errazteko, Gertu elkarteko saltokiek errotazio altuetako 2 orduko TAO zerbitzuaren kostua bere gain hartuko dute. TAO makinetan txartel bikoitza atera beharko dute bezeroek: bat autoan utzi beharko du, eta bigarrena dendan eman beharko du, erosketatik TAOren prezioa deskontatzeko. Bestalde, herriko komertzioetan txartel laranja eskatzeko aukera edukiko dute bezeroek, zerbitzua erabiltzen duten bitartean autoa egoiliarren aparkalekuetan utzi ahal izateko.

> Ikus laburpen taula

> Ikus mapa

Aldaketa nagusiak

Aldi honi dagokionez, honakoak dira TAO ordenantzaren aldaketa nagusiak:

• Aurrerantzean hirutan banatuko dira bertakoentzako gordetako guneak:

1.GUNEA: Zubitxikitik barrurakoa

2. GUNEA: Zubitxikitik kanporakoa

3. GUNEA: Larretxo auzunea

• Errotazio handiko aparkaleku gehiago izango dira. Arranplako gunea handitu da: gune horretan zeuden bertakoen aparkalekuak errotazio handikoak izango dira, baita errepidearen bestaldean dauden Amaia plazako aparkalekuak ere.

Txartel berriak

Txartel berria behar dutenek (erroldan aldaketa egiteagatik, auto berria izateagatik...) bi modutan egin dezakezu eskaera:

• Online, labur.eus/TAOtxartela webgunean
• TAO bulegoan, aurrez aurre

TAO bulegoa

Gaiaren inguruko zalantzak argitzeko TAOren bulegora jo dezakete herritarrek:

TAO BULEGOA | Kantauri plaza 7
644 192 369 / taozumaia@iparksa.com
Uda sasoi guztian, astelehenetik ostiralera
09:00-13:30 / 17:00-19:30

>> TAO: informazio guztia

Albiste erlazionatuak