Zumaian ere "Eskatu euskaraz, eskaini euskaraz"

2022/12/15

"Eskatu euskaraz, eskaini euskaraz" kanpainaren helburua da tokiko merkataritzan eta ostalaritzan euskararen erabilera sustatzea. Batetik, kontsumitzaileak aktibatu nahi dira euskara erabiltzera; eta bestetik, merkatariak eta ostalariak ere bezeroak euskaraz atenditzera animatu nahi dira.

Zumaiako Udalak kanpaina bat jarri du abian, Eusko Jaurlaritzarekin, Foru Aldundiekin eta beste 123 udalekin elkarlanean, eta batez ere abenduan egingo da, Gabonei begira. Helburua da tokiko merkataritzan eta ostalaritzan euskararen erabilera sustatzea. Batetik, kontsumitzaileak aktibatu nahi dira euskara erabiltzera; eta bestetik, merkatariak eta ostalariak ere bezeroak euskaraz atenditzera animatu nahi dira.

Kanpaina telebistan, irratietan eta sare sozialetan ari da zabaltzen egun hauetan (hemen bideoa), Zumaiak ere kanpainarekin bat egiten duela adierazteko orri edo karteltxo batzuk atera ditu Udalak eta egun hauetan banatuko ditu herriko establezimenduetan.

Euskaraldia igaro berritan, ahobizi edota belarriprest rola bete dutenei eta arigune izan direnei dei egin nahi die Udalak,  Gabonetan euskara erabiltzeko ohiturari eutsi diezaioten merkataritza eta ostalaritza establezimenduetan.

Zumaian ere "Eskatu euskaraz, eskaini euskaraz"
Eskuorriak herriko establezimenduetan banatuko ditu Udalak.

Albiste erlazionatuak

Euskara

Euskaraldia

Merkataritza

Zumaia bizitzeko da