Haur, nerabe eta familiei zuzendutako udal baliabideen berri eman dute
Zumaiako Gizarte Zerbitzuek askotariko babes eta laguntza zerbitzuak eskaintzen dituzte, hala nola: familia aholkularitza, kale heziketa, psikomotrizitatea edota Guraso Eskolak. Zumaiako Udalak eta Gizarte Zerbitzuetako profesional-taldeak babes eta laguntza zerbitzuok baliatzera deitu dituzte herritarrak.
Zumaiako haur eta nerabeen garapen egokia eta tratu ona bultzatzeko zerbitzu ugari ematen dituzte Zumaiako Gizarte Zerbitzuek. Familia elkarbizitzan, egoera pertsonalean, gizarte harremanetan, komunikazioan edota guraso eta heziketa arduran sortzen diren kezka eta zailtasunak aztertu eta laguntza ematea dute xede. Horretarako, informazioa, orientazioa, gertatzen dena ulertzeko eta kontzientzia hartzeko lanketak, edota ohitura aldaketak bultzatzeko trebakuntza eskaintzen dira, besteak beste.
> Ikusi eskuorria hemen
Gizarte langileek, hezitzaileek, psikologoek, psikomotrizistek eta bestelako profesionalek koordinatzen eta eskaintzen dituzte zerbitzu guztiak, eta lanketa familiako kideen eta profesionalen artean sortzen den laguntza harremanean oinarritzen dira. Horiek horrela, Zumaiako Udalak eta Gizarte Zerbitzuetako profesional-taldeak babes eta laguntza zerbitzuok baliatzera deitu dituzte herritarrak, eta jakinarazi dute eskoletan, haurtzaindegian zein osasun zerbitzuan eskura daitekela informazio eskuorria.
Zehazki, honakoak dira eskaintzen diren zerbitzuak:
Familia aholkularitza:
Helburua da familian eta seme-alaben zaintzan eta babesean sortzen diren kezka eta/edo zailtasunen aurrean informazioa eta aholkularitza ematea. Gai hauek lantzeko aholkularitza eskaintzen da: komunikazio eta harreman zailtasunak, heziketa ereduak, haurren beharrak, familia antolaketa eta egituran sortzen diren aldaketak...
Familiako eskuhartzea: psikosoziala eta gizarte arlokoa
Haur edo nerabeak bere garapen egokirako zailtasun edota kalte nabarmenak dituenean eskaintzen da, eta honako gaiak lantzen dira: heziketan jokabide aldaketak bultzatzea, egoeraren kontzientzia hartzea, haur edo nerabearen autonomia indartzea, eguneroko antolaketa sendotzea, komunikazio eta harreman gaitasunak bultzatzea... Helburua da familiako kideek tratu ona eta babesa eskaintzeko trebeziak eta autonomia eskuratzea, sortu diren zailtasunak eta kalteak zaindu eta berriro errepika ez daitezen.
Kale heziketa programa
Harreman, komunikazio, aisialdi eta formazio arloetan nerabeek dituzten beharrak lantzen dira taldean, nerabeen aisialdi eta denbora librearen testuinguruan. Helburua da nerabeen gizarte eta harreman abileziak sustatzea, eta norberaren autonomia eta autoestimua indartzea.
Psikomotrizitatea
Haurraren garapenean aldaketak, nahasmenduak edo zailtasunak nabarmentzen direnean, edo izateko arriskua dagoenean gomendatzen da.
Guraso Eskolak
Heziketan laguntzeko prestakuntza, aholkularitza eta trukerako gunea da. Gai hauek lantzen dira: heziketa, komunikazioa eta harremanak, eta haur eta nerabeen beharrei eta gurasotasunari lotutako gaiak.
Zerbitzu horiek eskaintzeaz gain, herri mailan haur eta nerabeen tratu ona bultzatzeko sarea ere sustatzen dute Gizarte Zerbitzuek. Egoerak antzemateko eta elkarlanerako prozedurak lantzen dituzte herriko hainbat zerbitzuren artean. Honakoek parte hartzen dute, besteak beste: eskolak, osasun zerbitzua, haurreskolak, gaztegunea, ludoteka, udaltzaingoa...
Albiste erlazionatuak
Gizarte Zerbitzuak
- Lankidetza sustatzen duten jardueretarako dirulaguntzak eskatzeko epea zabalik, ekainaren 10era arte 2024/05/10
- Zaintza sektoreari loturiko sentsibilizazio jardunaldiak izango dira maiatzaren 22an eta 23an Zumaian 2024/05/09
- Gizarte zerbitzuen alorrean lan egiten duten elkarteei zuzendutako dirulaguntzak eskatzeko epea zabalik 2024/05/09
- Gai zehatzei begira jarriko dira 'Zumaian zaintza zaintzen' prozesuaren hurrengo fasean 2024/03/05
Hezkuntza
- 360.000 euroko dirulaguntza lortu du Udalak, Aita Mari eraikina eraberritzeko 2024/06/27
- Zumaiako Herri Eskolako Aita Mari eraikineko lehen solairua eraberritzeko lanak martxan 2024/06/05
- LGTBIfobiaren aurkako eta sexu askatasunaren aldeko mezua agertu du Hezkidetza Foroak 2024/05/17
- Erribera kaleko zamalanen ordutegia doitu egin da ikasleen segurtasunari lehentasuna emateko 2024/05/10
Haurrak
- Udalekuetan parte hartuko duten haurren gurasoekin bilerak egingo dituzte ekainaren 20an 2024/06/11
- Zabalik dago Musi-K udalekuetan izena emateko epea 2024/06/07
- Datorren ikasturteko haurren igeriketa ikastaroetan izena emateko epea zabalik, uztailaren 12ra arte 2024/06/03
- Bizikleta eguna izango dugu Zumaian larunbat honetan 2024/05/29
Zumaia bizitzeko da
- San Telmo ermita ezagutzeko bisita gidatuak izango dira datorren astetik aurrera, baita ingurumena babestu eta euskara sustatzeko ekimenak ere 2024/06/28
- Udal adierazpena, LGTBI+ Harrotasunaren Nazioarteko Egunean 2024/06/28
- 360.000 euroko dirulaguntza lortu du Udalak, Aita Mari eraikina eraberritzeko 2024/06/27
- Tentsio handiko etxebizitza eremu izendatzeko eskaera formala egin du Zumaiako Udalak 2024/06/19