Bizipen tailerrak, 0-6 urte bitarteko haurren gurasoentzat
Bizipen tailerrean hobeto sentitzeko, soluzioak bilatzeko, hausnartzeko, eta, kezka eta ideiak partekatzeko aukera izango dute Zumaiako gurasoek. Aurten hiru saioko programa izango da, eta asteartetan bilduko dira, 17:00etatik 19:30era. Parte hartu nahi duten gurasoek abenduaren 19tik 23ra bitartean eman beharko dute izena.
Bizipen tailerrean guraso moduan hobeto sentitzeko, hoberena dena egiteko, soluzioak bilatzeko, hausnartzeko, partekatzeko... aukera izango dute gurasoek. Horretarako, gai askori helduko diote tailerretan: amorrua, mugak, teknologia, autokontrola, eskola eta sozializazioa, besteak beste.
Aurten, hiru saioko programa izango da, eta asteartetan izango dira saioak (urtarrilaren 17an, otsailaren 7an eta martxoaren 14an), 17:00etatik 19:30era. Bi erreferente dauden kasuetan, biek parte hartzea gomendatzen dute antolatzaileek.
Dinamizatzaileak aurreko urteetako berdinak izango dira, Jon Urdineta eta Itziar Rosado psikomotrizistak. Bizipen tailerrak euskaraz eskainiko dira, baina eskatzaileen beharren arabera gaztelerazko bigarren talde bat osatzea aztertuko dute Gizarte Zerbitzuetako arduradunek. Horrenbestez, interesa duen oro Gizarte Zerbitzuekin harremanetan jartzera gonbidatu dituzte.
Bizipen tailerrean parte hartu nahi duten gurasoek abenduaren 19tik 23ra bitartean eman beharko dute izena, herriko ikastetxeek e-posta bidez zehaztutako moduan edo Gizarte Zerbitzuetan zuzenean. Matrikulak 20 euro balio ditu eta honako kontu korronteak sartu beharko da dirua: KUTXABANK ES28 2095 5174 90 1060024873. Izen-ematea egiterako momentuan aurkeztu beharko da ordainagiria.
Guraso eskolak, bidelaguntza eskaini eta sare berriak sortzeko
Gurasoak heziketa prozesuan inplikatzea eta horretarako bidelaguntza eskaintzea, eta gurasoen arteko sare berriak sortzea dira Zumaiako Guraso Eskolaren helburuak.
Udaleko Gizarte Zerbitzuek, Hezkuntza eta Gazteria sailek, eta herriko hezkuntza komunitateak elkarlanean antolatutako programa da, eta 0 eta 18 urte bitarteko haur eta gazteen gurasoei zuzenduta dago. Hala, hiru talde desberdinetan banatuta, adin-tarte bakoitzaren ezaugarrietara egokitutako formakuntza jasotzeko aukera izaten dute Zumaiako gurasoek.
Programa antolatzeko Zumaiako Udalak Eusko Jaurlaritzaren eta Gipuzkoako Foru Aldundiaren laguntza dauka, eta hitzaldietako batzuk Treba Gurasoak programaren baitan kokatzen dira.
Ikusi hemen ikasturte osoko eskaintza:
Albiste erlazionatuak
Haurrak
- Naizen elkarteak haur eta gazte transexualen errealitatea mahaigaineratuko du Zumaian maiatzaren 2an 2024/04/23
- Basondora irteera egingo dute Ludotekako lagunek maiatzaren 5ean 2024/04/23
- Barrakek soinu alteraziorik gabeko orduak izango dituzte, haur guztien inklusioa bermatzeko 2024/04/03
- 2 eta 14 urte bitarteko haur eta nerabeei zuzendutako udaleku eskaintza zabala izango da aurtengo udaran ere 2024/03/26
Gizarte Zerbitzuak
- Gai zehatzei begira jarriko dira 'Zumaian zaintza zaintzen' prozesuaren hurrengo fasean 2024/03/05
- 'Eskura' udal aldizkariaren azken alea webgunean ere irakurgai 2024/01/11
- Ile-apainketa eta podologia zerbitzuak betetzeko baldintzen pleguak argitaratu ditu udalak 2024/01/11
- Oroimena lantzeko tailerrean izena emateko aukera, ostiralera arte 2024/01/11
Herri hezitzailea
- Basondora irteera egingo dute Ludotekako lagunek maiatzaren 5ean 2024/04/23
- 2 eta 14 urte bitarteko haur eta nerabeei zuzendutako udaleku eskaintza zabala izango da aurtengo udaran ere 2024/03/26
- Guraso eta seme-alaben arteko komunikazioa hobetzeko gakoak landuko dituzte hilaren 19an 2024/03/14
- Herriko plazei buruzko egutegia landu du Euskara Zerbitzuak 2023/12/28
Zumaia bizitzeko da
- Kaleko pintura lehiaketak Zumaiako txokoak hartuko ditu maiatzaren 12an 2024/04/23
- Naizen elkarteak haur eta gazte transexualen errealitatea mahaigaineratuko du Zumaian maiatzaren 2an 2024/04/23
- Bi markagailu berri kiroldegiko pistan 2024/04/19
- Sanpedroetako artisau azokan parte hartzeko deia zumaiarrei 2024/04/18