Dena prest sanpedroetarako

Beste urte batez Zumaia sanpedroetan murgilduko da, aurten ekainaren 28tik uztailaren 2ra bitartean. Asteazken arratsaldean abiatuko da festa, 18:00etako txupinazoarekin. Iaz bezala, denboraldi honetan nabarmendu diren herriko kirolariek emango diote hasiera festei. Arratsalde berean, 20:00etan, igoko da bandera udaletxean, danbor-hots artean. Lehenago, 17:30ean, Emakumeon* Etxeak antolatutako pala txapelketako finala jokatu dute Odietan, arratsaldeko 17:30etik aurrera.

Asko izango dira egunotan izango diren ekitaldiak: erraldoi eta buruhandien kalejira, dultzaineroak eta txarangak, kirol txapelketak eta dantzaldiak, besteak beste. Ohi bezala, ekainaren 29an su artifizialen ikuskizuna izango da. Hurrengo egunean, ekainaren 30ean, arratsaldeko 19:30ean, Zumaia Master Series zesta punta jaialdia izango da Aitzuri frontoian; gauean, 22:00etatik aurrera, Puro Relajo musika taldearen kontzertua izango da Eusebio Gurrutxaga plazan. Larunbatean kirol jarduera mordoa izango dira herrian, eta, igandean, artisau azoka.

Beste urte batez, asko izan dira ekitaldien antolaketan parte hartu duten herriko elkarteak, eta Zumaiako Udalak eskerrak eman dizkie festen prestaketan parte hartzen duten guztiei. Horietako batzuen aldamenean eman dute egitarauaren berri.

Azkenik, festak guztiontzako espazio atsegin eta seguruak izan daitezen, eraso eta jarrera matxisten aurkako jarrera hartzera deitu nahi ditu Udalak herritarrak. Horrekin batera, kontsumo arduratsurako deia egin die herritar guztiei. Hori horrela, arduraz jokatuz eta elkartasunez, festez gozatzeko deia egiten die herritar guztiei.

Hona hemen egitaraua:

Ekainak 28, asteazkena

17:30 Odietan Emakumezkoen V. pala txapelketa finalak

18:00 Udaletxe aurrean Txupinazoa eta jaien hasiera. Suziria denboraldi honetan nabarmendu diren herriko kirolariek jaurtiko dute

Erraldoi eta Buruhandien kalejira Tolosako Dultzaineroek lagunduta

18:00 Ustekabe txarangaren kalejira

18:30 Herri mailako esku pilota txapelketa finala

18:45 Sagarbidetik sanpedroetako danborradaren irteera

20:00 Udaletxean herriko bandera jasotzea

21:30 Torreberrin danborradako kideen afaria

Ekainak 29, osteguna / San Pedro eguna

09:00 Tolosako dultzaineroekin goiz soinua

11:00 Prozesioa eta ondoren meza nagusia San Pedro abesbatzak abestua

11:00-13:00 Torreberrin haurrentzat jolasak eta tailerrak

11:30 Tolosako dultzaineroak kalejiran

13:00 Joselontxos txarangaren kalejira

13:00 Eusebio Gurrutxaga plazan Zumaiako Txistulari bandaren eta ZUMB Musika Bandaren kontzertua

17:30 Odietan Herri mailako Pala txapelketa finala

18:30 Joselontxos txarangaren kalejira

18:30 Eusebio Gurrutxaga plazan herri kirolak

19:00 Tolosako dultzaineroak kalejiran

23:00 Su artifizialak Vulcano piroteknia etxearen eskutik

Jarraian, Tolosako dultzaineroak kalejiran Arranplatik Eusebio Gurrutxaga plazara

Ekainak 30, ostirala

19:00 Aitzuri frontoian Zumaia Master Series zesta punta jaialdia

22:00 Eusebio Gurrutxaga plazan kontzertua Puro Relajo

Uztailak 1, larunbata

10:00 Hogarrean Beheko Plaza/Udaberri billar txapelketaren finala

12:00 Ondartxon Judo erakustaldia (Kodaore judo kluba)

16:00 ABE ligako beteranoen estropada

18:00 Odietan haur antzerkia Antxo eta Pantxa

19:00 Aitzuri frontoian Boxeo jaialdia

20:00 Eusebio Gurrutxaga plazan Zumaiako Musika Bandarekin dantzaldia

22:00 Amaia plazan Diskofesta

Uztailak 2, igandea

11:00-14:00 + 17:00-20:00 Eusebio Gurrutxaga plazan ARTISAU AZOKA

12:30 Amaia plazan hasita Buztintxuriko erraldoien kalejira

Albiste erlazionatuak