Musika udalekuak egingo dira aurten ere

2021/04/21
Uztailaren 19tik 30era bitartean izango dira Musi-k udaleku musikalak. HH4tik LH6ra bitarteko haurrek parte hartu ahal izango dute. Izen-ematea maiatzaren 4an zabalduko da.

Musika udalekuak uztailaren 19tik 30era bitartean egingo dira aurtengoan, 09:30etik 13:00etara bitartean. HH4tik LH6ra bitarteko haurrei zuzendutako aisialdi eskaintza da honakoa, eta musika ikasten ari direnek zein ikasketa formalik jasotzen ez dutenek parte hartu ahal izango dute. Partaideek musikaren esparru desbedinak ezagutzeko aukera izango dute. Musika udalekuek XXXVII. Musika Jaialdiari ateak zabalduko diote.

Maiatzaren 4an irekiko dute izen-ematea, eta maiatzaren 17a izango da izena emateko azkeneko eguna. Alondegian egin behar da izen-ematea, alondegia@zumaia.eus helbide elektronikoa idatzita edo 943 861 056 telefono zenbakira deituta. Matrikularen inguruko xehetasunak hurrengo egunetan argitaratuko dira.