Nerabeei zuzendutako jarduerak eta txangoak egingo dituzte uztailean

Uda hastear den honetan, Kale Heziketa programako eta Gazteguneko hezitzaileek uztailerako prestatutako programaren berri eman dute. Hiru jarduera antolatu dituzte elkarlanean, bi zerbitzuetan parte hartzen duten nerabe eta gazteek elkarren artean giro onean harremantzeko aukera izan dezaten, eta bi zerbitzuak herri mailan ezagutzera emateko. 

Honakoak dira antolatu dituzten ekintzak:

• Surfa (Zumaia): uztailak 4, asteartea

• Piragua (Zumaia): uztailak 11, asteartea

• Snorkel (Zumaia): uztailak 18, asteartea

Parte hartzeko beharrezkoa izango da izena ematea, beranduenez ekainaren 16an (ostirala). Horretarako, bi zerbitzuetako telefonoetara deitu edota idaztea nahikoa izango da: 688612940 eta 633467132 (Gaztegunea), edo 688850239 (Kale Heziketa Programa).

Gaztegunean egunpasak eta bazkaria

Gazteguneak bere programazio propioa ere sortu du. Ohiko programazioaz gain, honako irteerak antolatu dituzte, bakoitzean 24 plazarekin:

• Hernaniko igerilekura egun pasa (Hernani): ekainak 26, astelehena

• Zarautzeko portura egunpasa: uztailak 6, osteguna

• Paddle (Zumaia): uztailak 13, osteguna

• Gaztegunean BAZKARIA: uztailak 20, ostirala (AZKEN FESTA)

• Arbolismoa (Otxandio): uztailak 21, osteguna

Aldaketaren bat egonez gero, Instagrameko kontuan (@gaztetxola) argitaratuko dute, eta nerabeei Whatsapp bidez ere jakinaraziko zaie.

Irteeren inguruan hitz egiteko, gurasoentzat bilera bat egingo dute ekainaren 20an (asteartea), 16:00etan Gaztegunean. Bestalde, guraso eta tutoreei bideratutako galdetegi bat zabalduko dute hezitzaileek WhatsApp nahiz e-mail bidez, eta honakoa betetzearen garrantzia nabarmendu dute.

Albiste erlazionatuak