Ostegun honetan gurasoekin bilduko dira Ludotekako hezitzaileak

2020/09/15

Ludoteka zabaldu aurretik, guraso eta tutoreekin bilduko dira ostegun honetan, ikasturteko antolaketa berria eta izen emate prozesua azaltzeko. Bi saio egingo dituzte Aita Mari zinean, 18:30ean euskaraz eta 19:00ean gazteleraz.

Zumaiako Ludotekak ikasturte berriari ekingo dio urrian, eta xehetasunen berri emateko, bertako hezitzaileak guraso eta tutoreekin bilduko dira ostegun honetan, hilaren 17an. Bi saio egingo dituzte Aita Mari zinean: lehena, 18:30ean, euskaraz; eta bigarrena, 19:00ean, gazteleraz. Saiora familia bakoitzetik kide bakarra joateko eskatu dute.

Bizi dugun osasun egoerara dela-eta, azken hilabeteotan Ludotekako jarduna ere ezohikoa izan da. Estalapean haurren txokoa sortu zuten lehenengo, eta udaran Topalekuak antolatu zituzten. Orain berriro irekiko dituzte Ludotekako ateak, eta “arduraz, baina gogotsu” hasiko dute ikasturtea.

Ostegun honetan gurasoekin bilduko dira Ludotekako hezitzaileak

Albiste erlazionatuak

Zumaia bizitzeko da

Haurrak

Covid19

Hezkuntza