TAO sistemari buruzko online saioa izango da ostegun honetan

2021/01/18

Herritarrekin batera egindako prozesutik ateratako ondorioak eta ordenantzaren aldaketa proposamenak aurkeztuko dituzte saioan. Parte hartzeko nahikoa izango da urtarrilaren 21ean, arratsaldeko 18:00etan, online bileraren loturan sartzea.

Aparkalekuen erregulazio sistema ezarri zenetik erabilitako prozedurari jarraiki, eta iazko martxoko bilera irekietan agindu bezala, sistema birpentsatzeari ekin zion Zumaiako Udalak joan den urrian. Sistema ahalik eta sinple eta erosoena diseinatzeko, Udalak herritarrekin batera aztertu du gaia.

Lehen fasean 130 zumaiarrek bete zuten inkesta, eta idatzizko beste 20 ekarpen jaso zituen Udalak. Ondorengo dokumentuan ikus daitezke galdetegietatik ateratako emaitza nagusiak:

Herritarren iritzia jaso eta gero osatu zen mahai tekniko-politikoa. Mahai hori izan da TAO sistemaren aldaketa gidatu duen espazioa, eta teknikari eta ordezkari politikoez gain, ostalari eta merkatarien ordezkariek eta eremu desberdinetan bizi diren zumaiarrek parte hartu dute. Jasotako ekarpenetatik zein identifikatutako hutsuneetatik abiatuta, ordenantza berriaren zirriborroa idazteko oinarri nagusiak zehaztu dituzte mahai tekniko-politikoan. Hala, osteguneko saioan aldaketa nagusien berri emango dute udal ordezkariek.

Informazio-saioa:

Saioa urtarrilaren 21ean (osteguna) izango da, online. Kasu honetan, parte hartzeko ez da aurrez izena eman beharko. Nahikoa izango da egunean bertan arratsaldeko 18:00etan lotura honetan sartzea: https://labur.eus/TAOzumaia (pasahitza: 468596).

TAO sistemari buruzko online saioa izango da ostegun honetan