Sortzear da Zumaiako Haurren Kontseilua
Haurren Kontseilua udalerriko alkatetzaren aholkulari organo izaera edukiko duen haur taldea izango da. Zumaiako hiru eskoletako 14 haurrek osatuko dute, eta hilean behin bilduko dira, herriaren inguruko beraien iritzia plazaratzeko.
9 eta 11 urte bitarteko Zumaiako 14 lagunez osatutako taldea izango da Haurren Kontseilua, alkateari euren proposamenak eta aholkuak emango dizkiona. Hilabetero elkartuko dira partaideak, eta urtean behin alkatearekin zuzenean bilduko dira. Hala, Haurren Kontseiluak tokiko kudeaketarekin zerikusia duten gaiei buruzko ikuspegia emango diete alkatetzari, pertsona helduei herrian egon daitezkeen arazoei buruzko aholkuak eta proposamenak emanez. Zentzu horretan, Zumaiako Udalak talde horren proposamenak entzuteko eta baloratzeko konpromisoa hartu du.
Joan zen urrian Oinherri egitasmora eta Haurren Hiria sarera batu zen Zumaia. Udalak "Herri hezitzailea" izateko konpromisoa hartu zuen lankidetza hitzarmen horiekin. Haurrentzako eta haurrekin sortutako herri bat izatea suposatzen du horrek, haurren kulturaren aitortzatik abiatuta. Gainera, halako sareetan parte hartzeak haurraren ikuskera berri bat dakar: haurra etorkizuneko herritar edo etorkizuneko pertsona heldu moduan ikusi beharrean, eskubidedun herritartzat aitortzen da.
Ikuspuntu horretatik sortutako herri batek herritar guztiontzako dakartza onurak. Izan ere, haurrak edo bazterretako bestelako pertsonak erdigunean jartzeak bestelako praktika eta egiteko moduak dakartza. Halaber, herri hezitzaile hori balio hezitzaile batzuen gainean landu nahi dute (berdintasuna, aniztasuna, partehartzea, euskara...).
Kontseiluaren eraketarekin, besteak beste, umeen partaidetza bultzatuko dituzten iniziatibak martxan jartzea da Udalaren asmoa, eta, haurrei ahotsa, protagonismoa, erabakitzeko ahalmena eta erantzukizuna ematea.
14 laguneko taldea eratzear
Alkateak bertan parte hartzeko gonbidapena luzatu die Herri Eskolako, Oikiako Eskolako eta Zumaiena ikastetxeko 4. eta 5. mailako haur guztiei. Parte hartu nahi dutenek eskolan adierazi beharko dute, eta guztien artean, zozketa bidez, 14 laguneko taldea osatuko da. Hilean behin bilduko da taldea, eskola orduetan.
Zozketan ateratzen diren haurren familiekin harremanetan jarriko da Zumaiako Udala, Solasgune enpresako dinamizatzailearekin batera kontseiluaren inguruko informazio bilera egiteko. Kontseilua urrian zehar eratuko da, eta urriaren 25ean egingo du lehenengo bilera.
Kontseiluan parte hartzen duten pertsonek beren ikuspuntu, interes eta behar partikularren berri emango dute, eta ez dute beste inor ordezkatuko, ezta eskola ere. Hala ere, Kontseiluaren ondorioen berri eman ahal izango dute beren eskoletan. Urtero, taldeko zaharrenek (5. mailakoek) kontseilua utziko dute, beste batzuei lekukoa emanez. Aurtengoa lehenengo urtea izanik, 5. mailakoek ikasturte bakarra egingo dute kontseiluan.
Kontseiluaren inguruko informazio gehiago nahi izanez gero, ane@solasgune.com helbidera idazteko gonbita luzatu dute.
Albiste erlazionatuak
Zumaia bizitzeko da
- Kaleko pintura lehiaketak Zumaiako txokoak hartuko ditu maiatzaren 12an 2024/04/23
- Naizen elkarteak haur eta gazte transexualen errealitatea mahaigaineratuko du Zumaian maiatzaren 2an 2024/04/23
- Bi markagailu berri kiroldegiko pistan 2024/04/19
- Sanpedroetako artisau azokan parte hartzeko deia zumaiarrei 2024/04/18
Hezkuntza
- Naizen elkarteak haur eta gazte transexualen errealitatea mahaigaineratuko du Zumaian maiatzaren 2an 2024/04/23
- 2 eta 14 urte bitarteko haur eta nerabeei zuzendutako udaleku eskaintza zabala izango da aurtengo udaran ere 2024/03/26
- Nerabeen osasun mentalaz ariko dira hurrengo Guraso Eskolen saioan 2024/03/21
- Guraso eta seme-alaben arteko komunikazioa hobetzeko gakoak landuko dituzte hilaren 19an 2024/03/14
Haurrak
- Naizen elkarteak haur eta gazte transexualen errealitatea mahaigaineratuko du Zumaian maiatzaren 2an 2024/04/23
- Basondora irteera egingo dute Ludotekako lagunek maiatzaren 5ean 2024/04/23
- Barrakek soinu alteraziorik gabeko orduak izango dituzte, haur guztien inklusioa bermatzeko 2024/04/03
- 2 eta 14 urte bitarteko haur eta nerabeei zuzendutako udaleku eskaintza zabala izango da aurtengo udaran ere 2024/03/26
Herri hezitzailea
- Basondora irteera egingo dute Ludotekako lagunek maiatzaren 5ean 2024/04/23
- 2 eta 14 urte bitarteko haur eta nerabeei zuzendutako udaleku eskaintza zabala izango da aurtengo udaran ere 2024/03/26
- Guraso eta seme-alaben arteko komunikazioa hobetzeko gakoak landuko dituzte hilaren 19an 2024/03/14
- Herriko plazei buruzko egutegia landu du Euskara Zerbitzuak 2023/12/28
Parte hartzea
- Padel txapelketa mistoa jokatuko da Zumaian maiatzean eta ekainean zehar 2024/04/17
- 'Egin arraunean gurekin!' crowfunding kanpaina martxan, traineru berria erosteko 2024/04/12
- Santelmoetako egitaraua aurkeztu dute herriko elkarteek eta Udalak 2024/03/21
- [BIDEOA] Egin zaitez Egutera energia kooperatibako bazkide! 2024/03/16