Zumaiarrei deialdia zaintzari buruzko galdetegia betetzeko
Galdetegiaren helburua da Zumaiako Udala eta Prebentzio Mahaia lantzen ari diren zaintzari buruzko diagnostikoa osatu eta aberastea. Herritar orok erantzun dezake galdetegia, labur.eus/zumaiazaintza webgunean.
Zumaiako Prebentzio Mahaia zaintzaren gaiari lotutako erronka nagusienak identifikatu eta lantzeari ekin zion 2023an. Koordinazio mahaia eratu ondotik, hainbat saio zabal egin dituzte. Gizarte zerbitzuetako, osasun arloko eta nagusien egoitzetako ordezkari eta langileak, herriko eskoletako ordezkariak, zaintza lanetan zein boluntario moduan aritzen diren herritarrak, Nagusien Mahaiko kideak, mugimendu eta talde feministetako kideak... ari dira parte hartzen, baita udal ordezkari eta teknikariak ere. Prozesua dinamizatzeko Elhuyar fundazioaren laguntza izaten ari dira.
> Bete galdetegia
Zaintzari buruzko diagnostikoa egitea izango da lehenengo pausoa, herri mailako errealitatea ahalik eta era zehatzenean ezagutzen saiatzeko. Hainbat informazio iturri baliatuko dituzte horretarako, hala nola, datu estatistikoak edota Zumaiako udal zerbitzu ezberdinetako partaidetza datuak. Baina informazio zuzena ere bildu nahi dute, eta, horretarako, herritarren ekarpena jaso nahi dute. Galdetegia prestatu dute horretarako.
Honako gaien inguruko galderak bildu dituzte: familia barruko zaintza, Zumaiako herritarren egoera fisiko eta psikikoa, herritarren kohesioa, Zumaiako zerbitzuak, eta Zumaiako irisgarritasuna.
Herritar orok erantzun dezake galdetegia, pertsonako behin bakarrik. Erantzun batzuen arabera galdera berriak aktibatu/desaktibatuko dira, eta, gehienez, 15 minutu inguru behar dira galderak erantzuteko (kasu askotan gutxiago). Helburua da Zumaiako 500 herritarrek, gutxienez, bete dezatela.
> Bete galdetegia
Zumaiako Prebentzio Mahaia, Zumaiako herritarrekin lan egiten duten herriko hainbat erakunde elkartzen dituen sarea da. Erakundeen artean helburu komunak eta bateratuak definitzeko eta herritarren prebentzioan eragin dezaketen programak aurrera eramateko elkartzen da Mahaia.
Zaintzaren gaia pil-pilean
Asko dira gure inguruan zaintzaren gaia lantzen ari diren eragileak. Pandemia aurretik arazoa mahai-gainean bazegoen ere, pandemiak are ikusgarriagoa egin zuen zaintzaren gaiari heltzeko beharra. Hori horrela, gai honen inguruan askotariko ekimenak sortzen ari dira.
Zumaian eta eskualdean bertan, Prebentzio Mahaia eta Udala egiten ari diren lanketaz gain, beste bi ekimen daude martxan: Emakumeon* Etxeak, Malen Etxeak eta Mugimendu Feministak bultzatutako Zaintzen duen Zumaia irudikatzen ari gara prozesua, batetik; eta Urola Kostako Udal Elkartea egiten ari den diagnostikoa, bestetik. Zumaiako Udala zein Prebentzio Mahaia prozesu horiekin koordinazioan dago prozesu hau hasi zuenetik, eta hala jarraituko du hurrengo pausoak emateko ere, diagnostikoaren ondorengo faseetan pausoak elkarrekin emateko.
> Bete galdetegia
Albiste erlazionatuak
Zaintza
- Zaintza sektoreari loturiko sentsibilizazio jardunaldiak izango dira maiatzaren 22an eta 23an Zumaian 2024/05/09
- Gai zehatzei begira jarriko dira 'Zumaian zaintza zaintzen' prozesuaren hurrengo fasean 2024/03/05
- Utopien Herri Birak geldialdia egingo du Zumaian datorren astelehenean 2024/02/15
- Urtarrilaren 31n hasiko da ‘Zaindu Urola Kosta’ prestakuntza programaren teleformazioa 2024/01/16
Berdintasuna
- Azken erailketa matxista dela-eta, Zumaiako Udalaren adierazpena 2024/05/07
- Naizen elkarteak haur eta gazte transexualen errealitatea mahaigaineratuko du Zumaian maiatzaren 2an 2024/04/23
- 'Egin arraunean gurekin!' crowfunding kanpaina martxan, traineru berria erosteko 2024/04/12
- Martxoaren 8ko bizipenak partekatzeko saio irekia, gaur arratsaldean Emakumeon* Etxean 2024/03/13
Gizarte Zerbitzuak
- Zaintza sektoreari loturiko sentsibilizazio jardunaldiak izango dira maiatzaren 22an eta 23an Zumaian 2024/05/09
- Gizarte zerbitzuen alorrean lan egiten duten elkarteei zuzendutako dirulaguntzak eskatzeko epea zabalik 2024/05/09
- Gai zehatzei begira jarriko dira 'Zumaian zaintza zaintzen' prozesuaren hurrengo fasean 2024/03/05
- 'Eskura' udal aldizkariaren azken alea webgunean ere irakurgai 2024/01/11
Parte hartzea
- Mugikortasun Jasangarrirako Plana egiteko prozesua abiatu du Udalak, eta inkesta bat zabaldu die herritarrei 2024/05/09
- Padel txapelketa mistoa jokatuko da Zumaian maiatzean eta ekainean zehar 2024/04/17
- 'Egin arraunean gurekin!' crowfunding kanpaina martxan, traineru berria erosteko 2024/04/12
- Santelmoetako egitaraua aurkeztu dute herriko elkarteek eta Udalak 2024/03/21
Zumaia bizitzeko da
- Mugikortasun Jasangarrirako Plana egiteko prozesua abiatu du Udalak, eta inkesta bat zabaldu die herritarrei 2024/05/09
- Zaintza sektoreari loturiko sentsibilizazio jardunaldiak izango dira maiatzaren 22an eta 23an Zumaian 2024/05/09
- Gizarte zerbitzuen alorrean lan egiten duten elkarteei zuzendutako dirulaguntzak eskatzeko epea zabalik 2024/05/09
- 1.000 erosketa bono jaulkiko dituzte Udalak eta Gertu elkarteak, udaberriarekin batera herriko saltokiak loratzeko 2024/05/08