Badatoz inauteriak Zumaiara ere
Otsailaren 17tik 20ra bitartean mozorroen festak hartuko du Zumaia. Ohi moduan, eskoletako haurren inauteri festak eta Musika Eskolaren eta musika bandaren kalejirak irekiko du egitaraua. Urteroko Pirritx, Porrotx eta Marimotots pailazoen emanaldirako sarrerak salgai daude dagoeneko.
Otsaileko hirugarren asteburuan ospatuko dira inauteriak Zumaian. Mozorro festa, kalejira eta lehiaketak izango dira, eta ohi moduan, astelehenean (otsailaren 20an) Pirritx, Porrotx eta Marimototsen bisita izango dugu herrian. Sarreren inguruko informazioa lotura honetan aurkitu daiteke.
Ostiralean lehertuko da festa. Arratsaldean, ohi bezala, herriko eskoletako haur eta irakasleek kalejira egingo dute herrian zehar. 18:00etatik aurrera, Txori Txiki Musika eta Dantza Eskolak eta ZUMB musika bandak mitologiako izaki eta kondairak ekarriko dituzte Zumaiako kaleetara.
Larunbatean Zumai txarangak girotuko du herria, goizean eta arratsaldean. 12:30ean Astindu dantza elkartearen dantza-kalejira izango da. Arratsaldean, berriz, haurren festa eta mozorro lehiaketa izango dira Eusebio Gurrutxaga plazan. Arratsaldean zehar, zumaiarrek argazkiak ateratzeko aukera izango dute Oxford aretoan prestatuko den Argazki Txokoan. Eguna amaitzeko, 22:00etatik aurrera Dj Davilaren saioa izango da Amaia plazan.
Igande eguerdian Betijai fanfarrearen kalejira izango da herriko kaleetan, eta 16:30ean haurrentzako Yuku eta Himalaiako lorea izango da Aita Marin.
Mozorro lehiaketak
Mozorro onenak dituztenek sariak lortzeko aukera izango dute inauterietan. Haurren kasuan, larunbatean Eusebio Gurrutxaga plazan egingo den festan parte hartu beharko dute. 17:00etan eman beharko dute izena, eta hiru sari egongo dira jokoan: banako edo bikote onenaren saria, 0-8 urte bitartekoen talde mozorro onenaren saria, eta 9-12 urte bitartekoen talde mozorro onenaren saria. Lehiaketarako musika berezi bat nahi izatekotan, izen-ematea egitean eman beharko da.
Heldu eta gazteen mozorro lehiaketan (16 urtetik gorakoek parte hartu dezakete hemen), bi sari banatuko dituzte: banako edo bikote onenaren saria, 80 eurokoa, eta taldekako mozorro onenaren saria, 200 eurokoa. Bi sariak Gertu elkarteak emandakoak izango dira. Lehiaketan parte hartzeko 18:30etik 21:00etara bitartean Oxford aretoan egongo den Argazki Txokora joan beharko dute.
Kartel lehiaketan, herritarren saria jokoan
Gorka Alberdik egindako kartelak iragartzen du 2023ko inauterietako egitaraua. Haren lanak jaso du epaimahaiaren saria, eta 300 euroko bonoa lortu du. Herritarren saria jokoan dago oraindik, ordea. Alondegiko sarreran dagoen erakusketan jasotzen diren botoen bitartez erabakiko da. Bi lagunentzako otordua eskuratuko du herritarrek hautatutako kartelaren egileak.
Inauterietako egitaraua
Otsailak 17, ostirala
Otsailak 18, larunbata
Otsailak 19, igandea
Otsailak 20, astelehena
Albiste erlazionatuak
Festak
- Lurraldebus zerbitzua gehiago indartuko dute asteburu honetan, San Telmo jaiak direla-eta 2024/04/11
- Esku pilota jaialdi ikusgarria santelmoetan, igande honetan 2024/04/03
- Auzoetara eta inguruko herri txikietara itzultzeko doako taxi zerbitzua eskainiko du santelmoetan Zumaiako Udalak 2024/04/03
- Barrakek soinu alteraziorik gabeko orduak izango dituzte, haur guztien inklusioa bermatzeko 2024/04/03
Kultura
- Hemen da Martxoaren 8a, berriro ere ekitaldiz eta aldarrikapenez beteta 2024/03/07
- Herriko jaietan ekitaldiak antolatzeko dirulaguntzak eskatzeko epea zabalik 2024/03/06
- 'Negu hurbilak' filma asteburu honetan iritsiko da Zumaiara 2024/02/21
- 'Eterna' dokumentala eta Mejillon Tigreren poesia emanaldia, ostiralean Zumaian 2024/02/19
Haurrak
- Barrakek soinu alteraziorik gabeko orduak izango dituzte, haur guztien inklusioa bermatzeko 2024/04/03
- 2 eta 14 urte bitarteko haur eta nerabeei zuzendutako udaleku eskaintza zabala izango da aurtengo udaran ere 2024/03/26
- Haur eta nerabeei zuzendutako txangoak antolatu dituzte udaberriko oporretarako 2024/03/04
- 'Harreman osasuntsuak lagun artean' hitzaldia emango du Nerea Mendizabal psikopedagogoak otsailaren 27an 2024/02/19
Zumaia bizitzeko da
- Padel txapelketa jokatuko da Zumaian maiatzean eta ekainean zehar 2024/04/17
- Udal eraikinen garbitzaile bat aldi baterako kontratatzeko eta lan poltsa osatzeko prozesua hasi du Udalak, Lanbideren bitartez 2024/04/17
- 'Egin arraunean gurekin!' crowfunding kanpaina martxan, traineru berria erosteko 2024/04/12
- Kamioneta elektriko berria Udal Brigadarentzat 2024/04/11