Gabonetako haur parkea, musika ikuskizunak eta kirol txapelketak izango dira Gabonetan Zumaian

2022/12/21

Ostiral honetan hasiko da Gabonetarako prestatutako egitaraua, ZUMB Musika Banda eta Musika Eskolako Banda Txikiaren kontzertuarekin.

Eguraldiak eta tenperaturak kontrakoa iradokitzen duten arren, hastear dira Gabonak. Ohi moduan, ekitaldi ugari izango dira datozen asteotan: kontzertuak, Olentzero zein Errege Magoen etorrerak, kantaldiak, haurrentzako ekintzak, bertso saioa, eta kirol txapelketak, besteak beste.

Lehenengo ekitaldia ostiral honetan bertan izango da: ZUMB Musika Bandak eta Musika Eskolako Banda Txikiak Disney-ren abesti ezagunenak interpretatuko dituzte Zumaienan eskainiko duten kontzertuan. Hurrengo egunean, abenduaren 24an, eguerdira bitartean Niño Jesusen eskean ariko dira herritar ugari. 12:30ean Olentzero eta Gomezagoren etorrera ospatzeko kalejira egingo dute herrian zehar, eta arratsaldean Gabon Korua herriko kaleetan zehar ibiliko da kantuan. Ordu berean Eusebio Gurrutxaga plazan Gabonetako kantu lehiaketa izango da, Erkibe elkarteak antolatuta, eta 18:00etatik aurrera jaiotza ikuskizuna izango da plazan.

Abenduaren 25etik aurrera ere ekitaldi ugari izango dira herrian: haurrentzako Gabon parkea zein txango, antzerki eta tailerrak, eta bertsolari gazteen saioa, besteak beste. Kirolak ere garrantzia handia izango du egunotan: abenduaren 28an xake txapelketa izango da Oxford aretoan, abenduaren 29 eta 30ean alebin mailako futbol txapelketa eta eta Iñaki Espillaren omenezko eskubaloi txapelketak, eta, abenduaren 31n San Silvestre lasterketa herrikoia.

Urtarrilaren 5ean amaituko dira Gabonetarako prestatutako ekintzak, Errege Magoen kabalgatarekin. Bezperan hiru erregeei zuzendutako gutunak jasoko dituzte Eusebio Gurrutxaga plazan.

Postontzia Kofradian

Oraindik Olentzero eta Mari Domingiri idatzi ez dieten haurrek Kofradian jarritako postontzian utzi ahal izango dituzte gutunak. Abenduaren 24an bertan jasoko ditu Olentzerok gutunak, 12:00etan.

EGITARAUA:

Abendua

Abenduak 23, ostirala

19:00 Zumaiena, kontzertua: ZUMB Musika Banda eta Musika Eskolako Banda Txikia- Disney eta musika

Abenduak 24, larunbata

Eguerdia bitartean, Niño Jesusen Eskean
12:30 Odietan hasita Olentzerorekin kantuan eta Gomezagoren etorrera
17:30 Gabon Koruaren saioa kalez kale
17:30 Eusebio Gurrutxaga plazan Gabon kanten lehiaketa Erkibe kultur elkarteak antolatuta
18:00 Eusebio Gurrutxaga plazan Jaiotza ikuskizuna

Abenduak 26, astelehena

9:30-17:30 Ludotekatik,  LH 1-3ko haurrekin irteera Txuri Urdinera.

Abenduak 27, asteartea

11:00-13:30 eta 16:00-19:00 Kiroldegia, Haurrentzat Gabonetako parkea

Abenduak 28, asteazkena

09:30-17:30 Ludotekatik, Gaztegunearekin batera, LH 4-6ko haurrekin irteera Txuri Urdinera.
17:00 Oxford aretoa, Gabonetako Xake topaketa
18:00  Aita Mari,  haurrentzat antzerkia: DIDAU  Frankenstein

Abenduak 29-30

Goizez, Aita Mari futbol zelaian alebin neska eta mutilen Gabonetako futbol Txapelketa.
 
10:00etan hasita Eskubaloiko Espilla Memoriala

Abenduak 29, osteguna

19:30 Aita Mari, Ainarak

Abenduak 30, ostirala

20:30 Oxford aretoa, bertsolari gazteen saioa, Bertso Eskolak antolatuta.

Abenduak 31, larunbata

12:00 San Silvestre lasterketa
 

Urtarrila

Urtarrilak 2, astelehena

10:00-12:00 eta 16:00-18:00 Oxford aretoa, KIMIKARIN kimika tailerrak

Urtarrilak 4, asteazkena

18:00 Eusebio Gurrutxaga plazan Errege Magoentzat eskutitzak jasotzea

Urtarrilak 5, osteguna

18:30 Errege kabalgata
Gabonetako haur parkea, musika ikuskizunak eta kirol txapelketak izango dira Gabonetan Zumaian

Albiste erlazionatuak