Haurrentzako hainbat ekintza antolatu dituzte abendurako

2019/12/05

Haurren liburutegian hiru ipuin kontaketa izango dira, lehena abenduaren 13an. Ludotekan, bestalde, gabonetako apaingarriak egiteko tailerra egingo dute abenduaren 15ean, LH1-6 bitarteko haurrentzat eta horien familientzat.

Neguaren atarian, haurrei zuzendutako hainbat ekintzaren berri eman dute.

Ludotekan, familia giroan

Alde batetik, Ludotekan, gabonetako apaingarriak egiteko tailerra egingo dute abenduaren 15ean. Tailerra LH1-6 bitarteko haurrentzat eta horien familientzat izango da. Haurren anai-arrebek ere parte hartu ahal izango dute tailerrean eta derrigorrezkoa izango da haurrak heldu batekin bertaratzea. Plazak mugatuak dira eta abenduaren 11a baino lehen eman beharko da izena, Ludotekan bertan. Familia giroan saioen baitan kokatzen da tailerra.

Ipuin kontaketak

Bestalde, Haurren Liburutegian hiru ipuin kontaketa izango dira abenduan zehar.

  • Abenduaren 13an, ostiralean, URETAKO IPUINAK ipuin kontaketa, Eneritz Artetxeren eskutik. 17:30ean izango da saioa, eta 5-8 urte bitarteko haurrei zuzenduta dago.
  • Abenduaren 19an, ostegunean, HARRAPAKETETAN HAIZEAREIN, KONTUKONTARI ZUREKIN ipuin kontaketa, Kontukantoiren eskutik. 17:30ean izango da saioa, eta 3-6 urte bitarteko haurrentzat da.
  • Abenduaren 30ean, astelehenean, DETEKTIBEAK LIBURUTEGIAN ipuin kontaketa, Apikaren eskutik. 17:30ean izango da saioa, eta 5-8 urte bitarteko haurrei zuzenduta dago saioa.

 

Haurrentzako hainbat ekintza antolatu dituzte abendurako