Pirritx, Porrotx eta Marimototsen bi emanaldietarako sarrerak salduko dituzte gaur Oxforden

2020/02/11

Internet bidez bigarren saiorako sarrerak agortu badira ere, gehiago salduko dituzte aurrez aurreko salmentan. Aurrez aurreko salmenta gaur izango da, Oxford aretoan, 17:00etatik 18:30era.

Inauterietako astelehenean, otsailaren 24an, Zumaian izango dira Pirritx, Porrotx eta Marimotots. Bizi dantza ikuskizuna eskainiko dute pailazoek, eta horiekin batera, Musika eta Dantza eskolako ikasleak izango dira taula gainean. Bi saio eskainiko dituzte: lehen emanaldia 15:00etan izango da; bigarrena, 17:30ean. Zumaiena ikastetxean izango dira bi ikuskizunak.
Internet bidez 17:30eko emanaldirako sarrerak agortu badira ere (15:00etako saiorako sarrerak internetez erosi daitezke oraindik), gaur eskuratu ahal izango dira Oxforden, 17:30etik 18:30era. 6 euro balio dute sarrerek, eta gehienez sei erosi ahalko ditu herritar bakoitzak.

Gaur saltzen ez diren sarrerak Turismo Bulegoan jarriko dituzte salgai asteazkenetik aurrera.

Pirritx, Porrotx eta Marimototsen bi emanaldietarako sarrerak salduko dituzte gaur Oxforden