Zuhaitzei buruzko hitzaldia emango du Jakoba Errekondok

2021/11/26
“Zuhaitzekin bizi” izeneko hitzaldia eskainiko du Jakoba Errekondok, zuhaitz ezagunenei buruzko istorioak eta ohiturak kontatzeko. Asteazkenean izango da, abenduaren 1ean, 18:30ean, Alondegiko Oxford aretoan.
Gai hori hautatu du Euskara Zerbitzuak, 2022rako prestatu duten egutegian Zumaiako zuhaitzak landu direlako. Ander Hormazuriren irudiekin egin da aurten ere, eta Euskararen Egunean banatuko dute herriko ikastetxeetan, haur hezkuntzako eta lehen hezkuntzako 4. mailara bitarteko ikasleen artean, hain zuzen.