2011n jaiotakoentzat ate ireki saioak egingo dituzte Gaztegunean

2023/06/01

Ekaineko asteartetan 2011n jaiotakoentzako irekiko dute gaztegunea. Zerbitzua eta bertako hezitzaileak ezagutu ahal izango dituzte.

Gaztegunea 12-17 urte bitarteko nerabeentzat osatutako eskaintza publikoa da, nerabeei behar bezalako arreta eman nahi dien erreferentziazko tokia. Gaztegunean bertan, alde batetik zuzendutako ekintzak eramaten dira aurrera: tailerrak, txapelketak, eskulanak, jolasak, sukaldaritza... eta bestetik, gazteek beren kasa ekintza libreak egiteko aukera izaten dute autonomia eta autokudeaketa garatzeko.

Lauhilero gai orokor bat lantzen da ezagutzak helarazteaz gain, euren iritzi kritikoa aktibatzeko: sexu heziketa, hezkidetza, kontsumoak, harremanak, emozioak… Eta opor garaietan programazio eta ordutegi berezia eskaintzen da: egunpasak, gaua pasatzera, kirol-jarduerak…

Datorren ikasturtetik aurrera 2011n jaiotakoek ere parte hartu ahal izango dute Gaztegunean. Aurretik, ordea, Gaztegunea ezagutzeko aukera izango dute. Izan ere, ekaineko astearteak haientzat gorde dituzte, lokala, zerbitzuaren nondik norakoak eta hezitzaileak bertatik bertara ezagutzeko.

Honako egun eta ordutegietan joan ahal izango dira:

  • Ekainak 6: 17:00-20:00

  • Ekainak 13: 17:00-20:00

  • Ekainak 20: 17:00-20:00

  • Ekainak 27: 10:30-14:00

    Edozein zalantza izanez gero, bertako hezitzaileekin harremanetan jartzeko eskatu diete gazteei: 633467132 edo 688612940 (Irati eta Ane).

    2011n jaiotakoentzat ate ireki saioak egingo dituzte Gaztegunean