HAPO berriaren Aurrerakina ezagutzeko bisita gidatua egingo dute ostegun honetan

2021/05/25
Bisita gidatua maiatzaren 27an (osteguna) izango da, 18:30ean Oxford aretoan. Parte hartzeko aurrez izena eman beharko da, webgunearen bidez edo HAZera deituta.

2020an, Hiri Antolamenduko Plan Orokor berria lantzen hasi zen Zumaiako Udala. HAPO berria udalerria antolatzeko tresna nagusia eta funtsezkoa da: udalerriko esparru fisikoaren baitan zer, non eta zenbat eraiki daitekeen arautuko du. Zenbait lan egin eta gero, Aurrerakinaren Jendaurreko Erakustaldiaren fasean sartu da prozesua.

Edukiaren xehetasunak ezagutzeko bisita gidatua izango da ostegun honetan (maiatzak 27), arratsaldeko 18:30ean Alondegiko Oxford aretoan. Saioan partehartzeko webgunearen bidez eman beharko da izena. Zumaiako Udaleko Herritarren Arreta Zerbitzura ere deitu ahal izango dute: 943 86 50 25.

Maiatzak 27, osteguna | 18:30
BISITA GIDATUA Eman izena webgunean edo deitu 943 86 50 25 zenbakira

>> Egin ekarpena webgunearen bidez