'Harreman osasuntsuak lagun artean' hitzaldia emango du Nerea Mendizabal psikopedagogoak otsailaren 27an
Saioan parte hartzeko aurrez izena eman beharko da, otsailaren 25a baino lehen, brankaharrera@zumaia.eus e-mailera idatzita.
Gurasoak heziketa prozesuan inplikatzea eta horretarako bidelaguntza eskaintzea, eta gurasoen arteko sare berriak sortzea dira Zumaiako Guraso Eskolaren helburuak. Udaleko Gizarte Zerbitzuek, eta Hezkuntza eta Gazteria sailek elkarlanean antolatutako programa da, eta 0 eta 18 urte bitarteko haur eta gazteen gurasoei zuzenduta dago. Hala, hiru talde desberdinetan banatuta, adin-tarte bakoitzaren ezaugarrietara egokitutako formakuntza jasotzeko aukera izaten dute Zumaiako gurasoek. Programa antolatzeko Zumaiako Udalak Eusko Jaurlaritzaren eta Gipuzkoako Foru Aldundiaren laguntza dauka, eta hitzaldietako batzuk Treba Gurasoak programaren baitan kokatzen dira.
Pornografia eta sexu-heziketari buruzko hitzaldia eta gero, lagun arteko harreman osasuntsuak izango dituzte hizpide otsailaren 27an (asteartea). Nerea Mendizabal psikopedagogoak lagun artean harreman osasungarriak eraikitzeko hainbat gako eskainiko dizkie Zumaiako gurasoei.
Apirila bitarte, beste bi hitzaldi
Programaren barruan beste bi hitzaldi eskainiko dituzte apirila bitartean. Martxoaren 19an "Komunikazioa familian" hitzaldia emango du Leyre Canok; eta, programarekin amaitzeko, apirilaren 23an nerabeen osasun mentalaz ariko da Estibaliz Ansotegi. Hitzaldietara joateko aurrez izena eman beharko da, kartelean zehaztutako epean, brankaharrera@zumaia.eus e-mailera idatzita.
Bizipen tailerrak
Honakoak ez dira ikasturtean egin diren lehenengo Guraso Eskolak. 2023ko azken hiruhilekoan 0-6 urte bitarteko haurren gurasoek bizipen tailerretan parte hartu dute, Jon Urdineta eta Itziar Rosado psikomotrizistak gidari zituztela. Orain, 6-18 urte bitarteko haur eta nerabeen gurasoen txanda izango da, eta, apirila bitarte, lau hitzaldi horietan parte hartzeko aukera izango dute.
Albiste erlazionatuak
Guraso Eskolak
Hezkuntza
- Naizen elkarteak haur eta gazte transexualen errealitatea mahaigaineratuko du Zumaian maiatzaren 2an 2024/04/23
- 2 eta 14 urte bitarteko haur eta nerabeei zuzendutako udaleku eskaintza zabala izango da aurtengo udaran ere 2024/03/26
- Nerabeen osasun mentalaz ariko dira hurrengo Guraso Eskolen saioan 2024/03/21
- Guraso eta seme-alaben arteko komunikazioa hobetzeko gakoak landuko dituzte hilaren 19an 2024/03/14
Haurrak
- Naizen elkarteak haur eta gazte transexualen errealitatea mahaigaineratuko du Zumaian maiatzaren 2an 2024/04/23
- Basondora irteera egingo dute Ludotekako lagunek maiatzaren 5ean 2024/04/23
- Barrakek soinu alteraziorik gabeko orduak izango dituzte, haur guztien inklusioa bermatzeko 2024/04/03
- 2 eta 14 urte bitarteko haur eta nerabeei zuzendutako udaleku eskaintza zabala izango da aurtengo udaran ere 2024/03/26
Zumaia bizitzeko da
- Kaleko pintura lehiaketak Zumaiako txokoak hartuko ditu maiatzaren 12an 2024/04/23
- Naizen elkarteak haur eta gazte transexualen errealitatea mahaigaineratuko du Zumaian maiatzaren 2an 2024/04/23
- Bi markagailu berri kiroldegiko pistan 2024/04/19
- Sanpedroetako artisau azokan parte hartzeko deia zumaiarrei 2024/04/18