Herriko autonomo eta enpresa txikiei lagunduko die Zumaiako Udalak, 2.000 eurora arteko dirulaguntzekin
Zumaiako Udalak 500.000 euro bideratuko ditu herriko autonomo eta enpresa txikiak laguntzera. Jarduera itxita eduki behar izan dutenek, eta jarduera irekita edukita ere diru-sarrerak %40 baino gehiago murriztu zaizkienek 2.000 eurora arteko dirulaguntza jasoko dute, hainbat gasturi aurre egiteko. Eskaera modu telematikoan egin beharko da, uztailaren 9a baino lehen.
COVID-19ak sortutako osasun krisiak eragin nabarmena izan du jarduera ekonomikoan ere. Honakoak herriaren bizitzan duen garrantziaz jabetuta, Zumaiako Udalak 500.000 euro bideratuko ditu herriko enpresa txikiak eta beren konturako langileak edo autonomoak laguntzera.
Alarma egoera ezarri zuen Errege Dekretuaren ondorioz jarduera eten behar izan zutenak, edo jarduera irekita mantenduta ere, fakturazioa %40 baino gehiago murriztu zaizkienak lagunduko dituzte -2019ko batez besteko fakturazioarekin alderatuko da kopuru hori-. 2.000 eurora arteko dirulaguntzak izango dira, aurkeztutako gastuen eta diru-sarreren murrizketaren arabera.
Dirulaguntza zuzen hauen bidez, jarduera baten titulartasunen eta jarduerak zein eta garapenak eragindako funtzionamendu gastu finkoen ordainketa erraztu nahi du Udalak, hala nola: jarduerari zuzenean atxikitako horniduren, makinen, instalazioen eta ekipoen mantentze gastuak; elektrizitate, erregai, ur, telefonia eta Interneterako konexiorako hornidura gastuak; zerga eta kontabilitate aholkularitza gastuak; Covid-19arekin lotura duten aholkularitza gastuak; jardueraren aseguru primei dagozkien gastuak; eta negozio lokalen errentamendu gastuak, hainbat salbuespenekin.
Zumaiako Udalak hitzarmena egin du Urola Kostako Udal Elkartearekin, eta honakoa izango da eskabideak jaso eta dirulaguntza zehaztearen ardura. Horrenbestez, eskabidea eta dokumentazioa Urola Kostako Udal Elkarteara bidali beharko dituzte onuradunek, uztailaren 9a baino lehen eta erregistro elektronikoaren bidez.
COVID-19ari aurre egiteko Udaleko hiru talde politikoen adostasunarekin sortutako 1,5 milioi euroko diru-partidatik bideratutako dituzte laguntzak. Plan beraen baitan jarri dute martxan herriko komertzioa suspertzeko deskontu-bonuen sistema, eta Gizarte Zerbitzuen aurrekontua behar beste handituko dute, besteak beste.
Oinarriak eta aurkeztu beharreko dokumentazioa
Zalantzak argitzeko: harrera@urolakosta.eus
Dirulaguntzaren zenbatekoa
Jarduera etenda gertatu zaien onuradunek jaso beharreko dirulaguntzaren zenbatekoa justifikatutako gastuen %100ekoa artekoa izango da, gehienez ere 2.000 euroko mugarekin.
Jarduera eten ez zaien baina fakturazioa %40 baino gehiago murriztu zaien onuradunek jaso beharreko dirulaguntzaren gehieneko zenbatekoa, aurreko urteko aldi berarekin edo 2019ko batez besteko fakturazioarekin alderatuta, izandako murrizketaren proportzionala izango da. Laguntzaren ehunekoaren zenbatekoa kalkulatuko da kontuan hartuta, dagokion epealdian % 100eko jaitsierari, justifikatutako gastuen % 100eko laguntza dagokiola, 2000 euroko mugarekin.
Dirulaguntzaren zenbatekoa kalkulatzeko, 2020ko martxoaren 14tik maiatzaren 13ra, biak barne, bitartean sortutako funtzionamendu gastuak hartuko dira kontuan.
Dirulaguntzen bateragarritasuna
Oinarri hauen gaia diren dirulaguntzak bateragarriak izango dira helburu bera duten beste dirulaguntza, laguntza, sarrera edo baliabideekin, betiere batera ez badute diruz laguntzen diren gastuen kostua gainditzen.
Arautzen diren dirulaguntzen zenbatekoak ezingo du izan, inoiz ere, bera bakarrik edo beste administrazio publiko edo erakunde publiko edo pribatuek emandako dirulaguntzekin batuta diruz lagundutako jardueraren kostua baino handiagoa.
Arau honetan araututako helburu bererako dirulaguntza lortzen edo eskatzen duen erakunde onuradunak modu frogagarrian komunikatu beharko dio Zumaiako Udalari edo Urola Kosta udal elkarteari.
Albiste erlazionatuak
Zumaia bizitzeko da
- Sanpedroetako artisau azokan parte hartzeko deia zumaiarrei 2024/04/18
- Padel txapelketa mistoa jokatuko da Zumaian maiatzean eta ekainean zehar 2024/04/17
- Udal eraikinen garbitzaile bat aldi baterako kontratatzeko eta lan poltsa osatzeko prozesua hasi du Udalak, Lanbideren bitartez 2024/04/17
- 'Egin arraunean gurekin!' crowfunding kanpaina martxan, traineru berria erosteko 2024/04/12
Urola Kostako Udal elkartea
- Zaintza sektorean kontzientzia indartzeko, doako bi jardunaldi praktiko izango dira abenduan, Zaindu Urola Kosta ekimenaren barruan 2023/12/11
- Zaintzaileei eta zainduen familiartekoei zuzendutako ikastaroak eskainiko ditu UKUEk azaroan eta abenduan 2023/11/21
- Euskarazko hiztegiaren inguruko eta estimulazio psikoemozionalari buruzko doako ikastaroak eskainiko ditu UKUEk azaroan eta abenduan 2023/11/07
- Zabalik dago 'Zaindu Urola Kosta' zaintza lanen arloko prestakuntza ekimenean izena emateko epea 2023/09/07
Covid19
- COVID ziurtagiria dela-eta, Zumaiako Udalaren oharrak 2021/12/16
- Kiroldegian eta kultur ekitaldietan ohiko funtzionamendua berrezarriko da ostiral honetan 2021/10/07
- Zabalik dago ekintzailetasuna, enplegua, inbertsioak eta lehiakortasuna hobetzeko egitasmoak sustatzeko dirulaguntzen deialdia 2021/08/06
- Aurtengo udan ere betetze maila neurtuko da Zumaiako hondartzetan 2021/06/11
Diru laguntzak
- Musika, antzerkia eta dantza arloko elkarteentzako diru laguntzak eskatzeko epea ere zabalik 2022/03/30
- Alokairurako dirulaguntza eskatzeko epea ostiral honetan amaituko da 2021/11/24
- Alokairurako dirulaguntza eskatzeko epea zabalik 2021/11/03
- Euskara ikasteko dirulaguntzak eskatzeko bigarren deialdia irekita 2021/10/01
Tokiko garapena
- Eguteraren inguruko informazio saio irekia, astearte honetan Aita Mari zineman 2024/03/11
- Ostegun honetan zabalduko dute Hogarreko elkarlan gunea 2023/10/31
- Merkataritza arloko diagnostikoa aurkezteko saioa izango da ekainaren 28an 2023/06/22
- Baratzeak erabiltzeko esleipendunen behin betiko zerrenda eta itxarote zerrenda argitaratu dira 2023/04/20
Merkataritza
- Ostegunetako kinkilleroen azoka Eusebio Gurrutxaga plazan egingo dute aurrerantzean 2024/01/09
- Aurten ere "Eskatu euskaraz, eskaini euskaraz" Zumaian 2023/12/14
- 1.000 erosketa bono jaulkiko dituzte Udalak eta Gertu elkarteak, herriko saltokiak indartzeko 2023/11/13
- Merkataritza lokalak ekintzaile berrien bitartez berreskuratzeko dirulaguntza deialdia argitaratu du Zumaiako Udalak 2023/10/27