2022ko Guraso Eskolen programazioa prest
Beste urte batez, 0 eta 18 urte bitarteko haur eta nerabeen guraso eta tutoreei zuzendutako tailerrak prestatu ditu Zumaiako Udalak. 0-6 urte bitarteko gurasoei zuzendutako bizipen tailerretan izena emateko epea urtarrilaren 3tik 10era bitartean egongo da zabalik.
Gurasoak heziketa prozesuan inplikatzea eta horretarako bidelaguntza eskaintzea, eta gurasoen arteko sare berriak sortzea dira Zumaiako Guraso Eskolaren helburuak. Udaleko Gizarte Zerbitzuek, eta Hezkuntza eta Gazteria sailek elkarlanean antolatutako programa da, eta 0 eta 18 urte bitarteko haur eta gazteen gurasoei zuzenduta dago. Hala, hiru talde desberdinetan banatuta, adin-tarte bakoitzaren ezaugarrietara egokitutako formakuntza jasotzeko aukera izango dute Zumaiako gurasoek.
0-6 urte bitarteko haurren gurasoek bizipen tailerretan eman ahal izango dute izena. Aurten bost saioko programa izango da, eta Jon Urdineta eta Itziar Rosado psikomotrizistak izango dira gidari. 6-18 urte bitarteko haur eta nerabeen gurasoen kasuan, hiru hitzalditan parte hartzeko aukera izango dute, modu autonomoan.
Programa antolatzeko Zumaiako Udalak Eusko Jaurlaritzaren eta Gipuzkoako Foru Aldundiaren laguntza dauka, eta hitzaldietako batzuk Treba Gurasoak programaren baitan kokatzen dira.
0-6 urte bitarteko gurasoentzako bizipen tailerrak
Bizipen tailerrean guraso moduan hobeto sentitzeko, hoberena dena egiteko, soluzioak bilatzeko, hausnartzeko, partekatzeko... aukera izango dute gurasoek. Aurten, bost saioko programa izango da, eta larunbatetan izango dira saioak. Dinamizatzaileak aurreko urteetako berdinak izango dira, Jon Urdineta eta Itziar Rosado psikomotrizistak, eta bi talde osatuko dira (bata euskaraz, bestea gazteleraz).
Bizipen tailerrean parte hartu nahi duten herritarrek urtarrilaren 3tik 10era bitartean eman beharko dute izena, herriko ikastetxeek e-posta bidez zehaztutako moduan edo Gizarte Zerbitzuen Branka eraikinean edo 943 86 22 00 telefono zenbakira deituta egin beharko dute izen ematea. Bi erreferente dauden kasuetan, biek parte hartzea gomendatzen dute antolatzaileek.
Matrikulak 20 euro balio ditu eta honako kontu korronteak sartu beharko da dirua: KUTXABANK ES28 2095 5174 90 1060024873. Izen-ematea egiterako momentuan aurkeztu beharko da ordainagiria.
Hiru hitzaldi 6-18 urte bitartekoen gurasoentzat
6 eta 18 urte bitarteko haur zein nerabeen gurasoek ere izango dute aukera Guraso Eskolan parte hartzeko. Horien kasuan, hiru hitzaldi desberdin entzuteko aukera izango dute. Martxoaren 1ean "Emozioen garrantzia familian. Nola zaindu seme-alaben emozioak?" hitzaldia eskainiko du Leyre Cano psikopedagogoak. Martxoaren 22an gazteak eta substantzien kontsumoa izango du hizpide Estibaliz Ansotegi psikologoak (gazteleraz izango da hitzaldia). Azkenik, apirilaren 26an, haur eta nerabeen ongizaterako garapen osasuntsu baterako gakoak azalduko ditu Donna Apelaniz; hitzaldi hau 12 eta 18 urte bitartekoen gurasoei zuzenduta dago.
Albiste erlazionatuak
Gazteak
Zumaia bizitzeko da
- Kaleko pintura lehiaketak Zumaiako txokoak hartuko ditu maiatzaren 12an 2024/04/23
- Naizen elkarteak haur eta gazte transexualen errealitatea mahaigaineratuko du Zumaian maiatzaren 2an 2024/04/23
- Bi markagailu berri kiroldegiko pistan 2024/04/19
- Sanpedroetako artisau azokan parte hartzeko deia zumaiarrei 2024/04/18
Gizarte Zerbitzuak
- Gai zehatzei begira jarriko dira 'Zumaian zaintza zaintzen' prozesuaren hurrengo fasean 2024/03/05
- 'Eskura' udal aldizkariaren azken alea webgunean ere irakurgai 2024/01/11
- Ile-apainketa eta podologia zerbitzuak betetzeko baldintzen pleguak argitaratu ditu udalak 2024/01/11
- Oroimena lantzeko tailerrean izena emateko aukera, ostiralera arte 2024/01/11
Hezkuntza
- Naizen elkarteak haur eta gazte transexualen errealitatea mahaigaineratuko du Zumaian maiatzaren 2an 2024/04/23
- 2 eta 14 urte bitarteko haur eta nerabeei zuzendutako udaleku eskaintza zabala izango da aurtengo udaran ere 2024/03/26
- Nerabeen osasun mentalaz ariko dira hurrengo Guraso Eskolen saioan 2024/03/21
- Guraso eta seme-alaben arteko komunikazioa hobetzeko gakoak landuko dituzte hilaren 19an 2024/03/14
Haurrak
- Naizen elkarteak haur eta gazte transexualen errealitatea mahaigaineratuko du Zumaian maiatzaren 2an 2024/04/23
- Basondora irteera egingo dute Ludotekako lagunek maiatzaren 5ean 2024/04/23
- Barrakek soinu alteraziorik gabeko orduak izango dituzte, haur guztien inklusioa bermatzeko 2024/04/03
- 2 eta 14 urte bitarteko haur eta nerabeei zuzendutako udaleku eskaintza zabala izango da aurtengo udaran ere 2024/03/26
Herri hezitzailea
- Basondora irteera egingo dute Ludotekako lagunek maiatzaren 5ean 2024/04/23
- 2 eta 14 urte bitarteko haur eta nerabeei zuzendutako udaleku eskaintza zabala izango da aurtengo udaran ere 2024/03/26
- Guraso eta seme-alaben arteko komunikazioa hobetzeko gakoak landuko dituzte hilaren 19an 2024/03/14
- Herriko plazei buruzko egutegia landu du Euskara Zerbitzuak 2023/12/28