‘Normaltasunera’ itzultzen ari da liburutegia, prebentzio neurriak hartuta eta edukiera kontrolatuta
Zumaiako Udal Liburutegiak posible diren zerbitzu guztiak eskainiko ditu aurrerantzean. Espazio guztietan edukiera kontrolatuko dute, eta erabiltzaileek prebentzio neurriak bete beharko dituzte. Liburutegia “beste modu batean” erabili beharko da osasun krisia arindu bitartean.
Zumaiako Udal Liburutegiak ohiko zerbitzuak eskaintzen ari da dagoeneko, baina Osasun Sailak ezarritako arau eta irizpideak betez. Arau orokor gisa, erabiltzaileek maskara jantzita eduki beharko dute uneoro, eta garrantzitsua izango da eskuak sarri garbitzea, liburutegian bertan jarritako hidrogelekin; edukierari dagokionez ere mugak izango dira osasun krisiak irauten duen tartean. Liburuzainek adierazi dutenez “beste modu batean” erabili beharko da liburutegia.
Ikasgela:
Ikasgelan, orain arte bezala, 24 eserleku egongo dira erabilgarri, eta liburuzainek bertara joan aurretik lekua erreserbatzea aholkatu dute. Gainera, talde lanik ezingo da egin bertan.
Helduen liburutegia:
Helduen liburutegian mailegu zerbitzua martxan egon da azten asteotan, baina herritarrek ez dute aukerarik izan apalategietara sartzeko. Datorren asteartetik aurrera, ordea, gune hau ere irekita egongo da: 25 pertsonako edukiera izango du espazioak. Hemen ere ezin izango da taldekako lanik egin. Gainera, ekainaren 30etik aurrera, prentsa eta aldizkariak irakurri ahal izango dira liburutegian bertan.
Haurren liburutegia:
Haurren liburutegian edukiera 20 pertsonakoa izango da. Txiki txokoak itxita jarraituko du, baina bertako liburuak etxera eraman ahal izango dituzte erabiltzaileek.
Mailegu zerbitzua:
Mailegu zerbitzuari dagokionez, erabiltzaileek bi aukera edukiko dituzte: liburuak aurrez eskatzea, edo liburutegian bertan zuzenean hartzea. Aldi berean gehienez lau pertsona egon daitezke apalategietan, 30 minutuz bakoitza. 12 urtetik beherakoek heldu batekin batera joan beharko dute mailegua hartzera.
Ordenagailuak:
Ordenagailuei dagokionez, helduen liburutegian hiru egongo dira martxan; haurren liburutegian, berriz, bi ordenagailu izango dira erabilgarri. Erabiltzaile bakoitzak egunean gehienez ordubetez erabili ahal izango ditu. Ordenagailua erabili ostean, erabiltzaileak teklatua desinfektatu beharko du horretarako eskura izango duen produktuarekin.
Udako ordutegia
Helduen liburutegia 9:00etatik 14:00etara egongo da irekita astelehenetik ostiralera; haurren liburutegia, berriz, 10:00etatik 14:00etara zabalduko dute. Astearte eta ostegun arratsaldeetan ere irekita egongo dira bi liburutegiak, 18:00etatik 20:00etara. Ikasgelak helduen liburutegiaren ordutegi berdina izango du.
Albiste erlazionatuak
Zumaia bizitzeko da
- San Telmo ermita ezagutzeko bisita gidatuak izango dira datorren astetik aurrera, baita ingurumena babestu eta euskara sustatzeko ekimenak ere 2024/06/28
- Udal adierazpena, LGTBI+ Harrotasunaren Nazioarteko Egunean 2024/06/28
- 360.000 euroko dirulaguntza lortu du Udalak, Aita Mari eraikina eraberritzeko 2024/06/27
- Tentsio handiko etxebizitza eremu izendatzeko eskaera formala egin du Zumaiako Udalak 2024/06/19
Kultura
- Aita Mari antzokia itxita egongo da ekainaren 21etik uztailaren 9ra 2024/06/20
- Sanpedroak ate joka, aurtengoan, berrikuntzekin 2024/06/19
- Maiatzaren 13an zabalduko dute Musika eta Dantza Eskolako matrikulazioa 2024/05/10
- Udaberria bero iritsi da Zumaiara, adin guztietako herritarrentzako ekitaldi askorekin 2024/04/30
Covid19
- COVID ziurtagiria dela-eta, Zumaiako Udalaren oharrak 2021/12/16
- Kiroldegian eta kultur ekitaldietan ohiko funtzionamendua berrezarriko da ostiral honetan 2021/10/07
- Zabalik dago ekintzailetasuna, enplegua, inbertsioak eta lehiakortasuna hobetzeko egitasmoak sustatzeko dirulaguntzen deialdia 2021/08/06
- Aurtengo udan ere betetze maila neurtuko da Zumaiako hondartzetan 2021/06/11
Haurrak
- Udalekuetan parte hartuko duten haurren gurasoekin bilerak egingo dituzte ekainaren 20an 2024/06/11
- Zabalik dago Musi-K udalekuetan izena emateko epea 2024/06/07
- Datorren ikasturteko haurren igeriketa ikastaroetan izena emateko epea zabalik, uztailaren 12ra arte 2024/06/03
- Bizikleta eguna izango dugu Zumaian larunbat honetan 2024/05/29
Liburutegia
- Liburu aurkezpenak eta ipuin kontaketa, Liburuaren Nazioarteko Egunaren bueltan 2023/04/21
- Eider Rodriguez eta Alex Gurrutxagaren arteko solasaldia, eta ipuin kontaketa musikatua antolatu dituzte Liburuaren Egunaren bueltan 2022/04/01
- ‘Irakurri matte’ irakurle taldean parte hartzeko izena eman beharko da aurten 2020/09/16