Adintxikikoen garapenari eta tratu onari buruzko hitzaldia, gaur arratsaldean

2022/10/18

Gaur arratsaldean (urriak 18) gurasoei zuzendutako bi saio eskainiko ditu Luis Legorburu psikologoak, Oxford aretoan.

Guraso Eskolen baitan, Zumaiako Udaleko Gizarte Zerbitzuei guraso eta tutoreei zuzendutako hitzaldia antolatu du. Bi saio izango dira: 15:00etatik 16:30era gazteleraz eta 18:00etatik 19:30era euskaraz.

> Hizlaria: Luis Legorburu psikologoa

Luis Legorburu Orekagune taldeko psikologoa da. Haur eta nerabeen psikoterapian aditua izateaz gain, haur eta nerabeen babesgabetasun eta arrisku egoerak prebenitzeko detekzio goiztiarreko teknikaria da.

> Hitzaldian landuko diren gaiak:

  • GURE SEME ALABEN BEHARRAK
  • GURE SEME ALABEN JOKABIDEAK NOLA ULERTU
  • NOLA JOKATU GURASO BEZALA
  • HERRIAN DAUDEN ZERBITZUEN ELKAR LANAREN GARRANTZIA

> Helburuak:

  • Zumaiako Udaleko Gizarte Zerbitzuek haur, nerabe eta familiei zuzendutako laguntza zerbitzuak ezagutzea, eta horien irizpide eta oinarriak elkarbanatzea
  • Haur eta nerabeen garapenean guztion garrantzia nabarmentzea: sare informala (gurasoak, familia, lagunak…) eta sare formala (ikastetxeak, osasun zerbitzuak, udaltzaingoa, aisialdiko zerbitzuak…)
  • Zaila, berria eta ezezaguna egiten zaigun bidaia zoragarri honetan, guztion begiradak konpartitzea, zabaltzea eta elkarlana sustatzea
Adintxikikoen garapenari eta tratu onari buruzko hitzaldia, gaur arratsaldean