Santelmoetako danborradetako entseguak ostiral honetan abiatuko dituzte

Apirilaren 17tik 26ra bitartean izango dira 2020ko santelmoak. Jakintza Berri Elkarteak helduen eta haurren danborradarako entseguen berri eman du festetarako hilabete t´erdiren faltan.

Ostiral honetan, otsailaren 28an, abiatuko dituzte haurren zein helduen danborradetako entseguak. Udalaren eta Jakintza Berri Elkartearen izenean danborradetan parte hartzeko deia luzatu diete herritarrei.

Haurren danborrada

2013. urtea baino lehenago jaiotakoek parte hartu dezakete haurren danborradan. Entseguak ostiraletan 18:30etik 19:30era eta larunbatetan 16:00etatik 17:00etara izango dira, eta lehen saioa ostiral honetan bertan izango da Komentuan.

2014an edo 2015ean jaiotako haurrek otarrak eta arraunak eraman ahal izango dituzte danborradan. Horretarako, entsegu orduetan eman beharko dute izena.

Helduen danborrada

Helduek ere ostiral honetan hasiko dituzte entseguak. Horiek ostiraletan 21:30etik 22:30era eta larunbatetan 15:00-16:00 entsegatuko dute. 18 urtetik gorako herritarrek parte hartu ahal izango dute helduen danborradan.

Albiste erlazionatuak