'Hirigintza inklusiboa, denontzako herria eraikitzeko tresna' hitzaldia eskainiko dute ekainaren 4an
Hitzaldia 18:30ean izango da, Emakumeon* Etxean. Hiri Antolamendurako Plan Orokorraren (HAPO) erredakzio prozesuan hirigintza inklusiboaren eta feministaren ekarpena zer nolakoa den eta izango den azalduko dute, besteak beste.
Zumaiako Udalak Hirigintza inklusiboa, denontzako herria eraikitzeko tresna. Zer dira hirigintza inklusiboa eta genero-ikuspegia? Nola txertatuko ditugu Zumaian? hitzaldia antolatu du datorren astearterako. Landuko dituzten gaiek komunitatearentzat funtsezkoak diren gaiak barnebiltzen ditu, hala nola: eguneroko mugikortasuna, etxebizitzarako sarbidea, zaintzarako espazioak eta Zumaiako puntu kritikoak. Hitzaldia euskaraz egingo da, baina gaztelaniarako itzulpena eskainiko da.
Paula Amuchastegui arkitektoak emango du hitzaldia. Erdu estudioko teknikaria da bera; eta haiek dira Zumaiako Hiri Antolamenduko Plan Orokorra (HAPO) idazteko prozesua gidatzen ari direnak, eta, oinarri asko dagoeneko finkatuta badaude ere, ezinbestekoa da honakoaren erredakzioan herritarren partehartzea bermatzea.
Topaketa honen helburua da hirigintza inklusiboaren eta genero ikuspegiaren oinarrizko gakoak eskaintzea herritarrei, eta horiek prozesuan parte hartzera gonbidatzea. Hiri Antolamendurako Plan Orokorra (HAPO) funtsezko tresna da udalerriaren garapen ordenatu eta iraunkorrerako, eta, nola ez, Zumaiaren oraina eta etorkizunak herritar guztien beharrei erantzungo diela ziurtatzeko.
Albiste erlazionatuak
Hiri Antolamendurako Plan Orokorra (HAPO)
Hirigintza
Berdintasuna
Zaintza
Irisgarritasun Plana
Zumaia bizitzeko da
- San Telmo ermita ezagutzeko bisita gidatuak izango dira datorren astetik aurrera, baita ingurumena babestu eta euskara sustatzeko ekimenak ere 2024/06/28
- Udal adierazpena, LGTBI+ Harrotasunaren Nazioarteko Egunean 2024/06/28
- 360.000 euroko dirulaguntza lortu du Udalak, Aita Mari eraikina eraberritzeko 2024/06/27
- Tentsio handiko etxebizitza eremu izendatzeko eskaera formala egin du Zumaiako Udalak 2024/06/19