Alba Lozanok film labur bat sortuko du Zumaian, Geuretik Sortuak ekimenaren barruan
Hirugarren edizioa du literatura, antzerkia eta zinema euskaraz garatzeko Geuretik Sortuak egitasmoak, eta hirugarrenez parte hartuko du Zumaiak, Euskal Herri osoko beste 45 udalerrirekin batera. Ekimenaren barruan, Zumaian egonaldia egingo du Alba Lozano zinemagileak.
Geuretik Sortuak proiektuarekin, euskaraz sortzen eta hedatzen den artea bultzatu nahi du Udalbiltzak; zehazki, euskaraz sortutako literatura, zinemagintza eta antzerkia sustatzea da proiektuaren helburua, eta, horretarako, sormen lanak egiteko egonaldiak antolatu ditu sortzaileentzat Euskal Herri osoko hainbat herritan. Hirugarren edizioa du literatura, antzerkia eta zinema euskaraz garatzeko helburua duen egitasmo honek, eta hirugarrenez parte hartuko du Zumaiak ere, Euskal Herri osoko beste 45 udalerrirekin batera.
Zumaian laburmetrai bat sortuko dute aurtengo edizioan. Alba Lozanoren gidaritzapean, talde oso bat ariko da lanean. Dagoeneko egin du herrian lehenengo egonaldia, joan den asteburuan, eta udaberrian berriro itzuliko da herrira. Zinemagilea eta gidoilaria da Alba Lozano, eta Barakaldon jaio zen 1996an. ECPV-n eta Txileko UDD-n Zuzendaritza Zinematografikoa ikasi zituen, EHU-n Komunikazio eta ikus-entzunezkoen gradua egin eta gero. Bere film laburren artean, Plunge (2018), Non Grata (2022) eta Utländsk (2024) daude; azken hau Kimuak katalogoan hautatua izan da eta hainbat sari irabazi ditu.
Laburmetraieko protagonista emakume gazte bat izango da, eta honek zinema munduan emandako lehen pausoetako bizipenak izango ditu ardatz. Ilusioa zein nahigabea soinean, lan munduan bizitako genero-jazarpena eta botere-harremanen eragina erakutsiko ditu film laburrak. Aurreratu dutenez Inge Ugarte eta Arnatz Puertas aktoreek egingo dituzte protagonista lanak, eta haien ondoan ariko dira Amancay Gaztañaga, Sambou Diaby eta Sara Nieto aktoreak ere.
Albiste erlazionatuak
Geuretik Sortuak
Kultura
- Joseba Zulaikaren eta Jule Goikoetxearen bisitak izango dituzte 'Irakurri matte' irakurle taldean udaberri honetan 2025/03/17
- Entzungai dago Migel Gutierrezek sortutako 'basoa.wav' EPa 2025/03/05
- Kultura eta artearen alorreko sormen beka eskatzeko epea zabalik 2025/02/28
- Osasungintza, hedabideak eta etorkizuneko erronkak izango dituzte hizpide aurtengo 'Euskara, bestela ez gara' hitzaldi zikloan 2025/02/20
Euskara
- Badator Lapetan, euskararekin jolas egiteko 2025/04/01
- Aurten ere egin errenta aitorpena euskaraz 2025/03/25
- Zumaiako 'Appa Hi!' aurkeztu dute, hitanoa praktikatzeko eta ikasteko mugikorretarako aplikazioa 2025/03/20
- Zumaiako Udalak bat egin du UEMAk abiatu duen 'Egin nirekin ere euskaraz!' kanpainarekin 2025/02/25
Sormena
Zumaia bizitzeko da
- Badator Lapetan, euskararekin jolas egiteko 2025/04/01
- 1.000 erosketa bono jaulkiko dituzte Udalak eta Gertu elkarteak, udaberriko ErrotaHerria kanpainaren barruan 2025/03/31
- Kiroldegiko energia kontsumoaren ia herena eguzki-plaken bidez hornituko da 2025/03/31
- 2 eta 14 urte bitarteko haur eta nerabeei zuzendutako udaleku eskaintza zabala udarako 2025/03/28