Haur eta nerabeei zuzendutako txangoak antolatu dituzte udaberriko oporretarako

Ludotekako eta gazteguneek egitarau bateratua prestatu dute udaberriko oporretarako. Hiru irteera antolatu dituzte, bakoitza adin-tarte zehatz bati zuzenduta. Izen-ematea zabalik dago dagoeneko, apirilaren 1era arte. Plaza kopurua mugatua izanik, izen-emate gehiegi badaude, zozketa bidez banatuko dituzte plazak.

Honakoak dira irteerak:

• Ziortza-Bolibarren gaua pasako dute 13 eta 17 urte bitarteko nerabeek, apirilaren 19tik 20ra. Gaztegunean eman beharko dute izena, eta 15 euro ordaindu beharko dituzte.
• LH1-3 bitarteko haurrak Basondora egingo dute egunpasa apirilaren 20an. Basondo Urdaibaien kokatuta dagoen 60.000 metro karratuko basafauna babestua da. Bertan inguruko basanimali nagusiak aurkituko dituzte haurrek: orkatzak, basurdeak, oreinak, adarzabalak, katajinetak... baita harrapari, hontza eta hegazti migratzaile asko ere. Irteeran parte hartzeko 5 euro ordaindu beharko dira, eta beharrezkoa da aurrez izena ematea.
• Azkenik, LH4 eta 17 urte bitarteko haur eta nerabeek Zirkuolara lantegira egunpasa egingo dute apirilaren 21ean. Haur eta nerabeek arte eszenikoen eta zirkoaren modalitate desberdinak ezagutu eta probatzeko aukera izango dute. 10 euro ordaindu beharko dira, eta Ludotekan edo Gaztelekuan eman beharko da izena.

Albiste erlazionatuak