Zabalik dago Musika eta Dantza Eskolako matrikulazioa

Musika eta dantza diziplinetan aukera zabala eskaintzen du Musika eta Dantza Eskolak, joera desberdinak landuz, bai bakarkako lanetan baita taldean ere. Hala nola, haurrentzako musika eta dantza tailerrak eskaintzen dira, baita dantza, antzerki, musikoterapia, harmonia, informatika musikala eta ahots teknikari lanen inguruko ikastaroak ere. Halaber, musika tresnen ikastaro ugari eskaintzen dira Eskolan, taldeka zein banaka praktikatzeko.

2021/2022 ikasturteko klaseak irailaren 13an hasiko dira, eta matrikula egiteko epea zabalik dago dagoeneko, maiatzaren 27ra arte. Matrikula egiteko, izen-emate orria bete, eta Ubillos jauregira eraman edo e-posta bidez bidali beharko da. 

Ikastaro horien helburua da edozein adinetako pertsonei dantza eta musikaren arloetan prestakuntza praktikoa ematea, baita lanbide-heziketarako prestaketa, interesa edo bokazioa duten pertsonei eskaintza profesionala ematea ere.

Musika eta Dantza Eskola

Ubillos jauregia (San Jose, 14)
943 86 11 83 / musikaeskola@zumaia.eus
> Astelehen eta ostiraletan: 11:00-13:00
> Astearte, asteazken eta ostegunetan: 17:30-19:30

Deskargatu hemen Musika eta Dantza Eskolako eskaintza eta izen-emate orria

Musika eta Dantza Eskolaren lana urtean zehar

Musika eta Dantza Eskolak, Zumaiako gizarte eta kultur bizitza aberasteko eta dinamizatzeko asmoarekin hainbat jarduera antolatzen ditu urtean zehar: Xexili astea, inauteriak, San Telmoak, elkartrukeak, topaketak, entzunaldi eta kontzertuak, dantzari txikiak…

Pandemia egoerak behartuta aurtengoa ere ikasturte berezia izango da, baina egoerak baimentzen duen neurriko programazioa antolatuko da.

Albiste erlazionatuak