Haur eta nerabeei zuzendutako txangoak eta ekintzak antolatu dituzte neguko oporretarako

Udalaren zerbitzuak dira hirurak, baina bakoitzak adin-tarte jakin bati, eta talde bakoitzaren ezaugarri eta behar konkretuei erantzutea du helburu. Urtean zehar dinamika propioa baldin badute ere, tarteka ekintza bateratuak antolatzen dituzte, zerbitzu desberdinetako erabiltzaile diren haur eta nerabeek elkar ezagutzeko aukera izan dezaten.

Hori horrela, neguko oporrei begira bi ekintza bateratu antolatu dituzte. Abenduaren 28an (asteazkena) Ludotekako LH4-6 bitarteko haurrak eta Gazteguneko zein Kale Heziketa programako nerabeak Txuri Urdinera joango dira, egunpasa. Urtarrilaren 3an, berriz, nerabeen arteko futbol txapelketa egingo dute

Zerbitzu bakoitzaren erabiltzaile diren haur eta nerabeak elkarren artean harremandu eta momentuak konpartitzeko helburua izateaz gain, herri mailan eta haur eta nerabeen artean hiru zerbitzuak ezagutarazi nahi dituzte antolatzaileek. Ekintza bateratu horiez gain, zerbitzu bakoitzak antolatutako gabonetako ekintza bereziak izango dira datozen asteotan:

Ludoteka:

Ludoteka itxita egongo da abenduaren 23tik urtarrilaren 9ra bitartean, baina, aurrez aipatutakoaz gain, honako bi ekintza egingo dituzte:

• Abenduak 18, igandea: GABONETAKO APAINGARRIAK egiteko tailerra  "familia giroan" (LH1-6ko haurrentzat eta euren familientzat)

• Abenduak 26, astelehena, TXURI URDINera irteera (LH1-3)

Kale Heziketa programa:

Programa honetan parte hartzen duten nerabe talde itxiei zuzendutako ekintzak dira honakoak:

• Abenduak 29, osteguna: COSTA JUMP parkera txangoa
• Urtarrilak 7, osteguna: ESCAPE ROOM jarduera

Gaztegunea:

Ekintza bereziez gain, astelehenetik ostiralera goizez zerbitzua zabalik egongo da, 10:00etatik 13:30era.

• Abenduak 29, osteguna: IRUÑA SALTING jolas parkera txangoa

• Urtarrilak 4, asteazkena: ESCAPE ROOM jarduera

Irteeren berri emateko, bilera bat antolatuko dute Gazteguneko hezitzaileek guraso eta tutoreentzat. Abenduaren 22an (osteguna) izango da saioa, arratsaldeko 16:00etan Gaztegunean bertan.

Albiste erlazionatuak