Albisteak
Irailaren 21ean Olarro Eguna izango da Zumaian
Egun osoko egitaraua antolatu dute beste urte batez Olarro Egunerako. Bihartik aurrera bazkari herrikoiko txartelak, kamisetak eta zapiak salgai egongo dira Turismo Bulegoan.
Trafiko aldaketak izango dira larunbatean triatloiagatik
Larunbatean, irailaren 14ean, Zumaiako Triatloia jokatuko da. Kirol proba honek eragina izango du Kantauri plazaren inguruko kaleetan.
Aparkamenduen erregulazio sistemaren udako aldia irailaren 15ean amaituko da
Iaz bezala, salbuespenak egongo dira eta urte osoan zehar erregulatuta jarraituko duten guneak egongo dira: Ardantzabide kalean egoiliarren eremua mantenduko da, eta hainbat gunetan errotazio handiko eremuen sistema aplikatuko da.
Beobideren erakusketako bisita gidatua egingo dute ostegunean
Ismael Manterolak gidatuko du "Beobide 1891-1969" erakusketaren bisita gidatua ostegun arratsaldean. Bisita euskaraz izango da eta aurrez izena eman beharko da.
Irailaren 11ean zabalduko dute Gaztegunea
Guraso eta tutoreei zuzendutako irekiera saioa egingo dute hezitzaileek lehen egunean, Gaztegunearen funtzionamendua eta lan-taldea ezagutzeko asmoz. Nerabeentzat irailaren 12 eta 13an hasiko da ikasturtea.
San Jose kaleko bizilagunen ekarpenak jaso dituzte udal ordezkariek
San Jose kaleko igogailuaren erabilera zehazteko ekarpenak jaso, eta auzokideen iritzi eta kexak entzun dituzte alkateak eta zinegotziek.
Datorren asteartean zabalduko da Foronda Kultur Etxeko ikastaroetan izena emateko epea
Ikastaroetan izena emateko epea irailaren 10etik taldeak bete arte egongo da irekita, beranduenez irailaren 17ra arte. Aurten, bi ikastaro berri eskainiko dira: 8-12 urte bitarteko haurrentzat Artista Liburua tailerra, eta helduentzat Genealogia ikastaroa.
Salgai daude Jai Alai World Tour txapelketako partidetarako sarrerak
Beste urte batez Jai Alai World Tourraren baitan zesta punta txapelketa jokatuko da Zumaian. Iraileko ostiral guztietan jokatuko dira zesta puntako partidak. Sarrerak Kiroldegiak salgai daude dagoeneko.
Jai Alai World Tour zesta punta txapelketa jokatuko da irailean zehar Zumaian
Iraileko ostiral guztietan egongo dira zesta puntako partidak. Datorren asteazkenean, irailaren 4ean, goizeko 11:30ean Villa Luz etxean egingo da txapelketaren aurkezpena.
Zumaiako Musika eta Dantza Eskolako matrikulazioa zabalik egongo da irailaren 2tik 5era
Irailaren 2etik 5ra bitartean Zumaiako Musika eta Dantza Eskolako ikasgaietan matrikulatzeko epea zabalik egongo da, Ubillos jauregiko bulegoan 17:30etik 19:30era. Matrikulak mugatuak izango dira.
Irailaren 6an inauguratuko da “Beobide: 1891-1969” erakusketa
Julio Beobide irudigile zumaiarraren inguruko erakusketa inauguratuko da irailaren 6an, Oxford aretoan. Irekiera ekitaldia 18:30ean izango da.
Ordutegi jarraitua izango du helduen liburutegiak astean zehar
Herritarren eskaera eta beharrei erantzun asmoz, Alondegia Kultur Etxeko helduen liburutegiak ordutegi berria izango du irailaren 2tik aurrera. Astelehenetik ostiralera 9:30etik 20:00etara irekita egongo da liburutegia.
Trafiko aldaketak egongo dira San Jose kalean abuztuaren 30 eta 31n
Herri lan batzuen ondorioz, San Jose 3 eta San Jose 9 atarien arteko bidea itxita egongo da autoentzat ostiralean eta larunbatean. Oinezkoek bidea erabili ahal izango dute eta autoek San Juan egoitzaren atzeko bidea hartu beharko dute.
San Jose kaleko igogailuaren erabilera zehazteko bilera egingo du Udalak bizilagunekin
Obrak amaitu bezain laster nahi du jarri Udalak martxan igogailu berria. Irailaren 4an San Jose auzoko herritarrekin bilduko da erabilera arauak adosteko. Beheko plazako Gizarte Zentroan izango da hitzordua, Hogarreko 2. solairuko aretoan, arratsaldeko 19:00tan.
Irailaren 1ean zabalduko da Olarro Eguneko batel estropadetan izena emateko epea
Irailaren 21ean ospatuko da aurten Olarro Eguna. Egitarauaren baitan, koadrilen arteko batel estropadak izango dira. Aurten, mareak medio, goizean dira, 11:00etatik 13:30era. Izen-ematea zabalik dago jada turismo bulegoan.
Euskararen jatorria eta euskal kultura ezagutzeko aukera bihar Zumaian
Bihar, abuztuak 24, "Euskareren enigma" bisita gidatua egiteko aukera eskaintzen digu Euskal Kostaldeko Geoparkeak.
"Euskal baserriaren sekretuak" esperientzia turistiko berria Zumaian
Bisitatu benetako euskal baserri bat eta ezagutu bertako produktuak eta bizimodua.
San Bartolome jaiak ospatuko dira Oikian abuztuaren 23tik 28ra
Lurraldebusek zerbitzua indartuko du eta goizean nahiz arratsaldean egongo dira autobusak Oikiara joateko. Horrez gain, larunbat goizaldean 04:00tan zerbitzu berezia egongo da Zumaiara itzultzeko.
Irailaren 2an zabalduko da kiroldegiko ikastaroetan izena emateko epea
Lehorreko nahiz uretako ikastaroak antolatu dituzte kiroldegiko arduradunek. Ikastaroak astelehenetik ostiralera eskainiko dira goizez zein arratsaldez eta adin guztietako zumaiarrek, bazkideek eta bazkide ez direnek ere parte hartu ahal izango dute.
Udaletxea itxita egongo da ostiralean
Abuztuaren 15a, osteguna, jai eguna izanik, zubia egingo dute udaletxeko langileek ostiralean. Hala egitea dago adostua langileen urteko lan egutegian. Beraz, udaletxea itxita egongo da bi egunotan.
Musika Jaialdiaren balorazio positiboa egin du Udalak
Amaitu da Zumaiako 35. Musika Jaialdia. Uztailaren 30tik abuztuaren 11a bitarte musikaz bete dira herriko txokoak. Egitarauan gora behera batzuek egon arren, jende andana hurbildu da emanaldietan. Abuztuaren 11erako aurreikusita zegoen Kantu Kontari ikuskizuna igande honetan izango da, antolakuntza arazoak medio, ezin izan baitzen egunean bertan egin.
Zabaldu dute bainua hartzea Santiagoko hondartzan
Osasun Sailak goizean egin du uraren kalitatearen analisia, eta, atzo ez bezala, kutsadura maila mugaren azpitik dagoela ziurtatu du.
Kuadrilla Eguna ospatuko da larunbatean
Herri bazkaria, kirol ekintzak, Dardarafesteko kontzertuak eta diskofesta izango dira, besteak beste, abuztuaren 17ko hitzordu nagusiak.
Liburutegia itxita egongo da ostiralean
Oxford aretoa, berriz, arratsaldetan egongo da zabalik, 18:30tatik 20:30era.
Bainua hartzea debekatu du Osasun Sailak Santiagoko hondartzan, kutsadura maila altua dela eta
Ezingo da bainurik hartu gaur, abuztuak 13, Santiagoko hondartzan. Osasun Sailak eginiko analisiek ondorioztatu dutenez, kutsadura mailak limitea gainditu du, eta segurtasun neurri gisa bandera gorria ezarri dute hondartzan.
Udalak Juan Belmontetik Talaimendirako eskailerak itxiko ditu, bidearen segurtasuna bermatzeko beharrezko hobekuntzak aztertu bitartean
Zehaztapen gehiago izan ahala, herritarrei jakinaraziko dizkie Udalak.
Asteburu honetan amaituko da 35. Zumaiako Musika Jaialdia
Uztailaren 30ean hasi zen ibilbidea abuztuaren 11ean amaituko da. Bost emanaldi izango dira, bi larunbatean eta hiru igandean. Eguraldi txarra egingo balu, Mari kalean aurreikusita dauden emanaldiak Oxford aretoan egingo dira.
“Zergatik hamalau” erakusketa ikusgai Oxforden abuztuaren 14tik aurrera
Asteburu honetan amaituko da XXXI. Argazki Lehiaketako erakusketa Oxford aretoan. Iñaki Arrillaga artista oriotarrak hartuko du lekukoa, eta “zergatik hamalau” erakusketa aurkeztuko du abuztuaren 14tik irailaren 1era bitartean. Jorge Oteiza herrikidea izan du abiapuntu bere eskultura eta margoak sortzeko orduan. Aretoa egunero egon da zabalik, arratsaldeko 18:30etatik 20:30era.
Hamar sagardo etxek eskainiko dute sagardoa Euskal Jai egunean
Aburuza (Aduna), Bereziartua (Astigarraga), Iparragirre (Hernani), Izeta (Aia), Lizeaga (Astigarraga), Petritegi (Astigarraga), Satxota (Aia), Urdaira (Usurbil), Ekain eta Gartziategi izango dira sagardo dastaketako ekoizleak.
Zabalik dago Olarro Egunean lana egiteko herri ekimenei zuzendutako deialdia
Datorren irailaren 21ean ospatuko da Olarro Eguna. Ohikoa denez, gastronomiak garrantzia handia izango du eta olagarroa eta itsasoko produktuak dastagai izango dira txosnetan nahiz herri bazkarian. Guzti honek lan handia eskatzen du eta, aurtengoan ere, Zumaiako elkarteei laguntza eskatu nahi die Udalak.