Albisteak
Trafiko aldaketak egongo dira San Jose kalean uztailaren 20ra arte, igogailuaren obrek eraginda
San Jose kalean eraikitzen ari diren igogailuaren obrengatik trafiko aldaketak izango dira hurrengo asteetan. Odietatik Ubillos jauregira doan bidea itxita egongo da autoentzat eta oinezkoentzat, uztailaren 2tik uztailaren 20ra arte.
Udalaren ezohiko plenoa izango da ostegun honetan
Zumaiako Udaleko ezohiko plenoa egingo da ostegun arratsaldean. Bilkura arratsaldeko 18.00etan hasiko da, udaletxeko pleno aretoan. Kargu hartzeko plenoaren osteko lehen osoko bilkura izango da; eta, besteak beste, batzordeen osaketa zein izango den adostuko da.
Kultur ikastaroak eskaintzeko proposamenak egiteko epea uztailaren 3an amaituko da
Herrian kultura zein aisialdiari lotutako ikastaroak eman nahi dituztenek proposamenak bidali ditzakete uztailaren 3ra bitartean. Edonolako informazioa behar duenak Alondegia Kultur Etxera jo dezake.
Zubiaundia itxita su artifizialak botatzeko
Ekainaren 29an 23:00etan su artifizialak eskaini ahal izateko, ezinbestekoa da segurtasun neurriak betetzea. Horregatik, Zubiaundia arratsaldeko 16:00etan itxi beharko da eta ez da zabalduko gauerdira arte, horrela Joko eta Ikuskizun sailaren neurriak bete ahal izateko. Ixte honek eragina du oinezkoen bidean, Kirol portura edo Santiago hondartzara joateko aukera bakarra Zubiberriaren espaloi estua izango delako. Udalak aurrez barkamena eskatzen die herritarrei traba honengatik, eta eskerrak ematen dizkie segurtasuna zaintzen laguntzeagatik.
Zumaiako Udalaren Adierazpena Sexu Askatasunaren Nazioarteko Egunean
Ekainaren 28an, LGBTIQ+ kolektiboaren sexu askatasunaren aldeko Nazioarteko Eguna ospatzen da. 1969ko ekainaren 28ko gauean, New Yorkeko Stonewall pubean, lesbiana, gay, bisexual, trans, eta sexu langile talde bat matxinatu zen, poliziek eginiko gehiegikeriak salatu eta haien eskubideak aldarrikatzeko. Egun hau, beraz, orain arteko lorpenak ospatu, oraindik lortu gabe ditugun oinarrizko eskubideak aldarrikatzeko eta beharrezko ardura eta konpromisoak hartzeko eguna da.
Zumaiako Udalak bat egiten du Mugimendu Feministak azken erailketa matxistak salatzeko deituko elkarretaratzearekin
Azken bi asteotan bi emakume erail ditu indarkeria matxistak Euskal Herrian. Ohar honen bidez, Zumaiako Udalak indarkeria matxistaren adierazpen ororen aurkako jarrera irmoa adierazi nahi du. Eta era berean, bat egiten du Zumaiako Mugimendu Feministak erailketak salatzeko egindako deialdiarekin eta herritar guztiei dei egiten die gaur, ekainak 27, 20:00etan, Saregile plazan egingo den elkarretaratzean parte hartzera.
Toldo eta aulkien zaintza zerbitzua martxan
Ekainak 27, ostegunean, jarriko da martxan toldoen eta aulkien zaintza zerbitzua, Itzurun hondartzan, eta aulkien zaintza zerbitzua, Santiago hondartzan. Zerbitzuaren atzerapena dela eta, epealdia luzatu egingo da, irailaren 22a arte.
Arranplan konponketa lanek atzerapena dute
Portu Sailari argibideak eskatu ondoren, Udal Gobernuak herritarrei adierazi nahi die hurrengo astean berrekingo diotela arranplaren konponketa lanari. Izan ere, marea hilak dira eta arrapala azpiko betelana eginda badute ere, zimentazio zapata ezin dute hormigonatu, mareako ura dela eta. Datorren astean, marea biziagoak etortzen direnean, lanari berrekin eta astebururako amaituta egoea espero dugu.
Zumaiako Udaletxeko liburutegiko administrari bat aldi baterako kontratatzeko prozesuan, hautagaien merituen behin-behineko kalifikazioak
Merituen behin-behineko kalifikazioak argitaratzen dira. Kalifikazioaren aurkako ERREKLAMAZIOAK jartzeko epea ekainaren 28an amaituko da, azken hau barne.
Itzurun hondartzako toldo eta aulkien zaintza zerbitzua datorren astean jarriko da martxan
Udal Gobernuak herritarrei jakinarazi nahi die datorren astean jarriko dela martxan Itzurun hondartzako toldo eta aulkien zaintza zerbitzua. Zerbitzua nork emango duen lotuta, azken tramiteak burutu bezain laister, oraindik zehazterik ez dagoen datorren asteko egunen batean abiatuko da. Puntualki jakinaraziko da atari honen bitartez. Toldoen eskaera eskaintza baino handiagoa izan denez, zozketa egin behar izan da, eta honakoa izan da emaitza. Zerrenda hau behin behinekoa izanik; norbaitek uko egiten badio bere eskubideari, itxaron zerrendarren hurrenkera jarraituko da eta dagokionak udaletxetik deia jasoko du eskaintzarekin.
Euskara ikasteko dirulaguntzak eskatzeko epea uztailaren 1ean irekiko da
Uztailaren 1ean zabalduko du Zumaiako Udalak euskara ikasteko dirulaguntzak eskatzeko epea. Helduentzako euskalduntze eta alfabetatze ikastaroak egiten dituzten zumaiarrak izango dira dirulaguntzen onuradun, eta diruz lagunduko dira ohiko ikastaroak, trinkoak eta barnetegietakoak eta autoikaskuntza bidez egindakoak.
Udal gobernuaren jakinarazpena TAO zerbitzuaren inguruan
Ikusirik TAO zerbitzuarekin jende asko zailtasunak izaten ari dela, arazoak gutxitzeko eta egin beharreko tramiteak lasaiago egin ahal izateko, Udal Gobernuak honako erabaki hau hartu duela jakinarazi nahi die herritarrei: Iazko txartelaren jabe izan eta aurtengo ekitaldirako txartela indarrean jartzeko modurik izan ez duten herritarrek, ordainketa egiteko modurik izan ez delako edo beste edozein arazo administratibo tarteko, uztailaren 1a bitartean isunen bat jasoz gero, udaletxera jo dezakete isuna kentzeko. Betiere aparkamenduaren ordenantzan ezarritako gainerako araubide guztia errespetatu beharko da balizko isun hori kendu ahal izateko.
UDALAK IRMOKI GAITZESTEN DU LARUNBATEKO ERASO SEXISTA
Zumaiako Udalak erabateko gaitzespena adierazi nahi du larunbat gauean bi emakumek jasandako eraso sexistaren aurrean eta babes eta elkartasun osoa eskaini nahi die. Udalak argi utzi nahi du ez duela emakumeen aurkako inolako erasorik onartzen. Izan ere, eraso sexistak ez dira inolaz ere “gertaera puntualak”. Horrelakoek agerian uzten dute gai honetan ere oraindik asko dagoela egiteko. Tamalez, gaur egun intentsitate eta mota askotako sexu erasoak ez dira kasu isolatuak. Hori horrela, edozein eraso edo jazarpenen aurrean, udal ordezkarion zeregina izan behar da horiek salatzeko dei egitea, horrelako kasuak testuinguru orokor baten baitan kokatzea eta aurrera begirako lan lerroak marraztea. Eta horren aurrean, Udalak herritar guztien inplikazioa eskatzen du. Izan ere, gutako bakoitzaren jarrera aktiboa erabakigarria izan daiteke aurrera begirako erasoak eragozteko. Beraz, Zumaiako Udalak bat egiten du Zumaiako Mugimendu Feministak erasoa salatzeko egindako deialdiarekin eta herritar guztiei dei egiten die gaur, ekainak 17, 19:30ean, Saregile plazan egingo den elkarretaratzean parte hartzera.
Uztailaren 4ean Kontzientziazio Eguna ospatuko da Zumaian
Aipatu ekimena udal gobernuak gazte zumaiarrentzat abian jarritako Gazte On programaren baitan jasoa dago eta helburu du, kasu honetan, zaborrek eta bereziki plastikoak eragindako kalte zein kutsaduraren inguruan kontzientzia hartu eta hausnarketa egitea.
Zumaiako Udalaren azalpena 2019ko TAO zerbitzuaren inguruan
2019ko Udaldirako TAO zerbitzuaren ezarpenaren inguruan azken egunotan sortutako gorabeherak direla eta, Zumaiako Udaletik honako azalpen hauek ematea erabaki dugu.
Abiarazi da Puntanueta 2 eremuan dagoen hezegunea berreskuratzeko proiektuaren idazketa prozesua
Eusko Jaurlaritzako Ingurumen sailak hezegunea berreskuratzeko proiektuaren idazketa egiteko konpromisoa hartzea lortu du Udalak eta ildo horretan jakinarazi du aipatu erakundeak dagoeneko abiarazi duela proiektuaren idazketa esleitzeko prozesua.
Asteazkenean jarriko dira aulki zein toldoak Itzurun hondartzan
Toldo zein aulkien zaintza esleitzeko prozesuan inor aurkeztu ez izanak atzerapena eragin du zerbitzuan, baina horiek erabiltzeko interesa dutenek udaletxean bertan eman ahal izango dute izena ostiraletik asteartera bitartean. Ildo beretik, Santiago hondartzan egindako obrak direla eta, bertako kantina zein komunak asteazkenean zabalduko direla jakinarazi du Udalak.
Egoiliar txartelaren inguruko informazioa
Datorren larunbatean, ekainak 15, indarrean jarriko da berriro aparkamenduaren erregulazio sistema herrian. Horri lotuta, Udalak guztira 2600 errezibo bidali ditu etxeetara, iaz egoiliar txartela eskuratu zutenek aurtengoa tramitatu ahal dezaten. Erreziboa jaso ez dutenek, Juan Belmonte 10 zenbakian dagoen bulegotik pasa beharko dute txartela tramitatzera.
Ekainaren 17an Furgobaratza eta tailerra Keretxudin
Furgobaratzaren hileroko bisitaz gain, oraingoan, “Estraktuak eta landareen osasuna” tailerra ere eskainiko da, astelehen arratsaldean, 18:00etatik 19:30era Keretxudin. Aipatu bisitaldia zein tailerrean, baratze-kideek ez ezik, herritar orok parte hartu ahal izango du.
Alde zaharreko adokinetan konponketa lanak egingo ditu Udalak
Ekainaren 17tik 18ra bitartean Erribera kaleko 1 zenbakitik Angeles Sorazu kalerainoko zatia konponduko du eta 19, 20 eta 21ean, aldiz, Foruen Enparantzatik Arritokieta kaleraino bitartekoa. Lanen helburua da egungo galtzadako harria konpondu eta egokitzea.
Kiroldegiko azpiegiturak hobetzen jarraitzen du Udalak
Berriki gimnasio guztiko lurra aldatu du bertan egiten diren jarduerentzat egokitutako lur berezia jarriz. Ekainaren 21etik uztailaren 1a bitartean, halaber, urteroko itxiera teknikoa egingo du kiroldegiak mantentze lanak egiteko.
Ekainaren 17an zabalduko da Helduen Heziketa Eskolako matrikulazio epea
Interesdunek hilaren 27a bitartean eman ahal izango dute izena Zumaiako eskolan. Irailean, halaber, matrikulazioa zabalik egongo da lehen hamabostaldian.
Udal korporazio berria osatzeko ezohiko osoko bilkura, larunbatean, hilak 15
Ezohiko bilkura 11:00etan egingo da, udaletxeko areto nagusian
Udal liburutegirako administraria kontratatzeko prozesua abiarazi du Udalak Lanbideren bitartez
Helburua da, azterketa garaian ez ezik, gainerako hilabeteetan ere, udal liburutegiaren ordutegia zabaltzea 09:30-20:00 bitartean jarraian, modu horretara, hainbat herritarrek eginiko eskaerari erantzuna emateko. Interesdunek hilaren 14a arte izango dute Lanbidek argitaratutako lan eskaintzan izena emateko eta merituen baloraziorako egiaztagiriak udaletxean aurkezteko.
Argitaratu da Kantauri plazako 3 etxebizitza tasatuen zozketan izena eman dutenen behin-behineko zerrenda
Guztira 103 lagunek eman dute izena etxebizitza horiek eskuratu ahal izateko eta orain 10 egun naturaleko epea izango dute erreklamazioak aurkezteko. Behin epe hori amaituta, zerrenda behin betiko onartu eta zozketa epea zehaztuko da.
Argitaratu da «Udazaintza zerbitzurako» hezitzaileen aldi baterako kontratazio laboralaren prozesuko onartu eta baztertuen behin betiko zerrenda
Horrekin batera, merituen behin-behineko balorazioa ere argitaratu da. Erreklamazio epea zabalik egongo da ekainaren 8tik 13a arte (biak barne).
Datorren asteartean, hilak 11, ezohiko osoko bilkura
Goizeko 08:00etan izango da, udaletxeko areto nagusian.
Zabalik dago kultur arloko ikastaroak eskaintzeko proposamenak aurkezteko epea
Deialdia irakasle eta herriko taldeei zuzenduta dago eta proposamenak uztailaren 3a arte aurkeztu ahal izango dira Alondegian, 09:30etik 14:00era. Ikastaroak iraupen ezberdinekoak izan daitezke, betiere, 2019ko urria eta 2020ko ekaina bitarte gauzatzen badira.
Oinezkoen segurtasuna bermatzeko neurriak hartu ditu Udalak Moilaberriko zubian
Bizikletan doazen pertsonek zubia bizikletatik jaitsita oinez zeharkatu beharko dute.
Arranplan konponketa lanak egiten ari da Portu Zuzendaritza
Azken egunotan arranpla guztiz itxita dago, hain zuzen Portu Zuzendaritza bertan egiten ari den konponketa lanak direla eta. Izan ere, bertako zimenduak kalteturik zeuden eta horrek sor zitzakeen arazoak ekiditeko, Portu Zuzendaritzak eremua itxi eta konponketa lanei ekin die. Aipatu lanak 3 aste iraungo dute (dagoeneko ia astebete daramate lanean) eta helburua da zimenduak egonkortu eta eremuko segurtasuna bermatzea.